इटहरीः भोजपुरको अरुण गाउँपालिका ४ चरम्बीस्थित मध्यपहाडी लोकमार्गमा हिजो साँझ भएको ट्रक दुर्घटनामा एक जनाको घटनास्थलमै ज्यान गएको छ ।

मृत्यु हुनेमा मोरङको पथरीशनिश्चरे नगरपालिका ८ का ४३ वर्षीय भेषबहादुर बस्नेत रहेको १ नम्बर प्रदेश प्रहरी कार्यालय विराटनगरले जनाएको छ । कार्यालयका अनुसार साँझ ५ बजे जरायोटारबाट भोजपुर सदरमुकामतर्फ गइरहेको ना ३ ख ३२० नम्बरको ट्रक ब्रेक फेल भई दुर्घटना हुँदा ट्रकमा सवार बस्नेतको ज्यान गएको हो ।

दुर्घटनामा परी ट्रकका चालक मोरङकै पथरीशनिश्चरे नगरपालिका ८ का ३५ वर्षीय जनकबहादुर खड्का गम्भीर घाइते भएकोमा उनलाई उपचारार्थ सुनसरीको धरानस्थित बीपी कोइराला स्वास्थ्य विज्ञान प्रतिष्ठान पठाइएको प्रहरीले जनाएको छ ।