इटहरीः झापाको बुद्धशान्ति गाउँपालिका ३ मा गएराति भएको पिकअप दुर्घटनामा एक जनाको ज्यान गएको छ ।
मृत्यु हुनेमा सडकमा हिँडिरहेका अन्दाजी ४० वर्षीय पुरुष रहेको १ नम्बर प्रदेश ट्राफिक प्रहरी कार्यालय इटहरीले जनाएको छ । कार्यालयका अनुसार दक्षिणबाट उत्तरतर्फ गइरहेको मे १ च ६४१३ नम्बरको पिकअप भ्यानले ठक्कर दिएपछि गम्भीर घाइते भएका पुरुषलाई उपचारार्थ अस्पतालतर्फ लैजाने क्रममा उनको बाटैमा ज्यान गएको हो ।
ठक्कर दिने पिकअप भ्यान र त्यसका चालक ताप्लेजुङका ५४ वर्षीय चुनचुन सन्तोष राईलाई स्थानीय प्रहरीले नियन्त्रणमा लिई अनुसन्धान सुरु गरेको कार्यालयले जनाएको छ । तिव्र गतिमा सवारी चलाएका कारण दुर्घटना भएको प्रहरीको प्रारम्भिक अनुसन्धानले देखाएको छ । हालसम्म मृतकको पहिचान खुल्न नसकेको बताइएको छ ।
_1720278409.jpg)
