इटहरीः झापाको बिर्तामोड नगरपालिका ६ बुट्टाबारीस्थित पुर्व–पश्चिम राजमार्गमा आज बिहान ७ बजे भएको मोटरसाइकल दुर्घटनामा परी मोटरसाइकल चालक अर्जुनधारा नगरपालिका ५ बैसाबारी का ३८ वर्षीय रामकान्त चौधरीको मृत्यु भएको छ ।

पूर्वतर्फ जाँदै गरेको मे १ख २६२७ नम्बरको बसलाई सोही दिशातर्फ गइरहेकोे मे ४ प ६७४८ नम्बरको मोटरसाइकलले ओभर ट्याक गर्ने क्रममा बसमा ठोक्किन गई मोटरसाइकल अनियन्त्रित भई विपरीत दिशाबाट आउँदै गरेको ना४ख ७२८९ नम्बरको ट्रकले ठक्कर दिई घाइते भएका चौधरीको उपचारको लागी बीएण्डसी अस्पताल बिर्तामोड पुर्याउनासाथ मृत्यु भएको हो । ट्रक र ट्रक चालक इलामको देउमाई ६, रक्सेका ४२ वर्षीय निमा शेर्पा तथा बस र बस चालक मोरङ उर्लाबारी ४ का ३० वर्षीय खड्क बहादुर भुजेललाई इलाका प्रहरी कार्यालय अनारमनीले अनुसन्धानका लागि नियन्त्रणमा लिएको सो कार्यालयलाई उदृत गर्दै १ नम्बर प्रदेश ट्राफिक प्रहरी कार्यालय इटहरीले जनाएको छ ।