इटहरीः उदयपुरको त्रियुगा नगरपालिका १ जोगीदहमा ट्र्याक्टरको ट्रलीबाट लडेर हिजो एक महिलाको ज्यान गएको छ ।

मृत्यु हुनेमा सोही ठाउँ घर भएकी ४५ वर्षीया सारदा चौधरी रहेको १ नम्बर प्रदेश प्रहरी कार्यालय विराटनगरले जनाएको छ । कार्यालयका अनुसार जङ्गलबाट घाँस लोड गरी प्रदेश २ ०१ ००१ त ००८१ नम्बरको ट्र्याक्टरमा सवार भई घरतर्फ फर्कने क्रममा ट्र्याक्टरको ट्रलीबाट लडी चौधरी गम्भीर घाइते भएकी थिइन् । उनलाई उपचारार्थ विराटनगरतर्फ पठाइएकोमा बाटैमा उनको ज्यान गएको हो ।