इटहरीः मोरङको बुढीगंगा गाऊपालिका ४ नेमुवा चौकस्थित कोसी राजमार्गमा ट्रकको ठक्करबाट मोटरसाइकल चालकको मृत्यु भएको छ ।

आज बिहान १०ः१५ बजे दक्षिणबाट उत्तरतर्फ आइरहेको ना६ख ३०४० नम्बरको ट्रकले को९प २६८१ नम्बरको मोटरसाइकललाई ओभरटेक गर्ने क्रममा ठक्कर दिँदा मोटरसाइकल चालक विराटनगर १४ जतुवा का ४५ वर्षीय अन्जनिसिंह गम्भीर घाइते भएका थिए ।

घाइते सिंहको विराट मेडिकल कलेज गंगा चौकमा उपचारको क्रममा बिहान पौने ११ बजे मृत्यु भएको जिल्ला प्रहरी कार्यालय मोरङले जनाएको छ । ट्रक र चालक बाराको निजगढ कोल्बी नगरपालिका २ का ३२ वर्षीय भिमबहादुर विक प्रहरीको नियन्त्रणमा रहेको सो कार्यालयले जनाएको छ ।