इटहरीः भेडेटार धनकुटा सडकखण्डको भोजपुरे गोलाइमा आज दिउँसो भएको सवारी दुर्घटनामा परी ६ जना घाइते भएका छन् ।

मोरङको विराटनगरबाट धनकुटाको जितपुरतर्फ गइरहेको को १ ख ७७७९ नम्बरको बस दुर्घटनामा परेको १ नम्बर प्रदेश ट्रफिक प्रहरी कार्यालय इटहरीले जनाएको छ । घाइतेहरुलाई उपचारार्थ धरानस्थित बीपी कोइराला स्वास्थ्य विज्ञान प्रतिष्ठान पठाइएको कार्यालयका प्रवक्ता प्रहरी नायबउपरीक्षक (डीएसपी) सुमन तिम्सिनाले बताए । उनका अनुसार घाइतेमध्ये चार जनाको अवस्था गम्भीर रहेको छ ।