इटहरीः उदयपुरको उदयपुरगढी –७ मा आज बिहान भएको सवारी दुर्घटनामा परी एक जनाको मृत्यु भएको छ भने १२ जना घाइते भएका छन् ।

आज बिहान पौने १२ बजेको समयमा उदयपुरगढीबाट गाईघाटतर्फ जाँदै गरेको स १ च ९३९ नम्बरको बलेरो आफँै अनियन्त्रीत भई दुर्घटना हुँदा बलेरोमा सवार रहेका १३ जना घाइते भएका थिए । घाइतेहरुलाई उपचारको लागी जिल्ला अस्पताल गाईघाट पठाइएकोमा उदयपुरगढी गाउँपालिका–१ का ३७ वर्षीय शिव खत्रीको बाटोमा नै मृत्यु भएको जिल्ला प्रहरी कार्यालय उदयपुरले जनाएको छ । अन्य घाइतेहरुलाई जिल्ला अस्पतालमा सामान्य उपचारपश्चात थप उपचारको लागी विराटनगर पठाएको उक्त कार्यालयले जनाएको छ । घटनाका सम्बन्धमा थप अनुसन्धान गरिरहेको छ प्रहरीले जनाएको छ ।