इटहरीः संखुवासभाको खाँदबारी नगरपालिका–३ माल्टा खोला छेउबाट अवैध लागूऔषध गाँजासहित २ जनालाई प्रहरीले पक्राउ गरेको छ ।

विशेष सूचनाका आधारमा अस्थायी प्रहरी पोष्ट सुमनचौकबाट खटिएको प्रहरी टोलीले चिचिला गाउँपालिका–१ का ३० वर्षीय बबी गुरुङ र २९ वर्षीय विकास गुरुङलाई ८ केजी लागूऔषध गाँजासहित गएराति १०ः०० बजे पक्राउ गरेको हो । लागूऔषध गाँजासहित पक्राउ परेका उनीहरुका सम्बन्धमा जिल्ला प्रहरी कार्यालय संखुवासभाबाट थप अनुसन्धान भइरहेको प्रहरीले जनाएको छ ।