इटहरीः मोरङको विराटनगर महानगरपालिका १४ मा ट्यांकरको ठक्करबाट साइकलयात्रीको मृत्यु भएको छ ।
हिजो साँझ ट्यांकरको ठक्करबाट विराटनगर १३ का ५५ वर्षीय विजय बानियाँको मृत्यु भएको १ नम्बर प्रदेश ट्राफिक प्रहरी कार्यालय इटहरीले जनाएको छ ।
कार्यालयका प्रवक्ता प्रहरी नायबउपरीक्षक (डीएसपी) सुमन तिम्सिनाका अनुसार दुर्घटनापछि गम्भीर घाइते भएका बानियाँलाई उपचारार्थ विराटनगरस्थित कोसी अस्पताल लगिएकोमा उपचारका क्रममा उनको मृत्यु भएको हो ।
ना६ख १८३४ नम्बरको ट्यांकरले हिजो बेलुका सवा ८ बजे बानियाँलाई ठक्कर दिएको हो । दुर्घटनामा संलग्न ट्यांकरसहित चालकलाई इलाका प्रहरी कार्यालय रानीले नियन्त्रणमा लिई थप अनुसन्धान अगाडि बढाएको प्रहरीले जनाएको छ ।
_1720278409.jpg)
