इटहरीः मोरङको पथरीशनिश्चरे नगरपालिका–१ बाट लागूऔषध ब्राउनसुगरसहित १ जनालाई प्रहरीले पक्राउ गरेको छ ।

हिजो राति ९ः३० बजे पथरीशनिश्चरे–१ का ३६ वर्षीय वीरबहादुर थपाले घरमा ब्राउनसुगर बिक्री गरिरहेको भन्ने विशेष सूचनाका आधारमा इलाका प्रहरी कार्यालय पथरीबाट खटिएको प्रहरी टोलीले थापाले कोठामा लुकाई राखेको २ ग्राम ४५ मिलिग्राम ब्राउनसुगर बरामद गरेको हो । 

प्रतिबन्धित लागूऔषध ब्राउनसुगरसहित पक्राउ परेका थापाका सम्बन्धमा इलाका प्रहरी कार्यालय पथरीबाट थप अनुसन्धान भइरहेको प्रहरीले जनाएको छ ।