इटहरीः सुनसरीको रामधुनी २ तित्रीवन चौकस्थित पूर्वपश्चिम लोकमार्गमा पिकअपको ठक्करबाट अटो चालकको मृत्यु भएको छ ।
मृत्यु हुनेमा अटो चालक मोरङको सुन्दरहरैँचा ३ का ३२ वर्षीय डम्बरकुमार दर्जी रहेको १ नम्बर प्रदेश ट्राफिक प्रहरी कार्यालय इटहरीले जनाएको छ ।
हिजो पूर्वान्ह ४ः०० बजे पूर्बबाट पश्चिमतर्फ जाँदै गरेको प्रन १– ०१–००१ च ७६५० नम्बरको पिकअप र विपरीत दिशातर्फ आउँदै गरेको को २ ह ७२९९ नम्बरको अटो एक आपसमा ठक्कर खाँदा गम्भीर घाइते भएका अटो चालक दर्जीको इटहरीस्थित एपेक्स अस्पतालमा उपचारको क्रममा हिजै ४ः४५ बजे मृत्यु भएको हो ।
पिकअप र चालकलाई नियन्त्रणमा लिएर अनुसन्धान सुरु गरेको इलाका प्रहरी कार्यालय पकलीले जनाएको छ ।
_1720278409.jpg)
