बराहक्षेत्रः उदयपुरको बेलका नगरपालिकका एक जनालाई ५ किलो गाँजासहित सोमबार साँझ बेल्टार प्रहरीले नियन्त्रणमा लिएको छ ।

बेलका नगरपालिका ६ का अन्दाजी ३५ वर्षीय विवेक राईलाई अवैध गाँजासहित प्रहरीले नियन्त्रणमा लिएको हो ।

इलाका प्रहरी कार्यालय बेल्टारबाट प्रहरी निरीक्षक डम्बर विश्वकर्माको कमाण्डमा खटिएको प्रहरीको गस्ती टोलीले सुरक्षा जाँच गर्ने क्रममा राईलाई पक्राउ गरेको हो ।

इलाका प्रहरी कार्यालय बेल्टारबाट खटिएको प्रहरीको गस्ती टोलीले चौदण्डीगढी नगरपालिका– ४ नमुना चौकस्थित चतरा रुपनगर सडकखण्डमा सुरक्षा जाँच गर्ने क्रममा नियन्त्रणमा लिएको जिल्ला प्रहरी कार्यालयले जनाएको छ ।

राईले प्रयोग गरेको स. ३ प. ३६०३ नम्बरको होन्डा साइन मोटरसाइकलमा गाँजा लुकाइछिपाई लगिरहेको अवस्थामा प्रहरीले पक्राउ गरेको बताइएको छ ।

बेलकाबाट सप्तरीको फत्तेपुर जादै गर्दा नियन्त्रणमा लिइएका विवेक राईलाई इलाका प्रहरी कार्यालय बेल्टारमा राखेर थप अनुसन्धान भइरहेको प्रहरीले जनाएको छ । केही दिनअगाडि आम्बासी नाकाबाट तीन जनालाई अवैध लागूऔषधसहित पक्राउ गरी अनुसन्धान अगाडि बढाइएको पनि प्रहरीले स्पष्ट पारेको छ ।