इटहरीः मोरङको पथरीशनिश्चरे नगरपालिका–२ स्थित भित्री सडकखण्डमा सवारी दुर्घटना हुँदा १ जनाको मृत्यु भएको छ ।

हिजो अपराहन्न ३ः१५ बजे प्रदेश १–२–००३ ह ५३८ नम्बरको सिटी सफारीले बाटो काट्दै गरेकी स्थानीय आन्न राईकी ४ वर्षीया छोरी सिहाङ राईलाई ठक्कर दिएको थियो । ठक्करबाट घाइते भएकी राईको विराट नर्सिङ होम विराटनगरमा उपचारको क्रममा मृत्यु भएको हो १ नम्बर प्रदेश ट्राफिक प्रहरी कार्यालय इटहरीले जनाएको छ ।

कार्यालयका प्रवक्ता प्रहरी नायबउपरीक्षक (डीएसपी) सुमन तिम्सिनाका अनुसार ठक्कर दिने सिटी सफारी र चालक ४८ वर्षीय मनबहादुर तामाङलाई इलाका प्रहरी कार्यालय पथरीले नियन्त्रणमा लिई दुर्घटनाका सम्बन्धमा थप अनुसन्धान गरिरहेको छ ।