इटहरीः धरानबाट धनकुटातर्फ जाँदै गरेको कार दुर्घटना हुँदा कारमा सवार चार जनाले हाम फालेर ज्यान जोगाएका छन् । 

धरानबाट धनकुटातर्फ जाँदै गरेको बा २ च २५७५ नम्बरको कार धनकुटा–९ रुद्रबारीनजिक पुगेपछि दुर्घटनामा परेको प्रहरीले जनाएको छ । कारको ब्रेक फेल हुँदा दुर्घटना भएको र करिब दुई सय मिटर तल खसेको प्रहरीले बताएको छ । दुर्घटनामा परेर कार पल्टिँदा कारमा आगलागी भई जलेर नष्टसमेत भएको बताइएको छ । 

जिल्ला प्रहरी कार्यालय धनकुटाका अनुसार कारबाट हाम फालेर कारमा सवारहरुले ज्यान जोगाएका छन् । धरान–९ का मुकेश भाटीले चलाएको कारमा स्थानीय सवारी धनीनारायण राई, आर्यन शर्मा र योगबहादुर राई सवार भएको १ नम्बर प्रदेश ट्राफिक प्रहरी कार्यालय इटहरीले जनाएको छ ।