काठमाडौँः नेकपा माओवादी केन्द्रका अध्यक्ष पुष्पकमल दाहाल (प्रचण्ड) ले आफू चितवन छोडेर अन्यत्रबाट चुनाव लडे डराएर भागेको सन्देश जाने बताएका छन् ।

पोखरामा शुक्रबार बिहान सञ्चारकर्मीसँग कुरा गर्दै उनले यस्तो बताएका हुन् ।

आफूलाई विभिन्न जिल्लाबाट अन्य पार्टीहरुले पनि चुनाव लड्न बोलाइरहेको जिकिर गर्दै उनले चितवनका जनताको चेतना र भावनाप्रति विश्वस्त रहँदै यस पटक चितवनबाटै चुनाव लड्ने बताए । गठबन्धनसहित चुनावी प्रतिस्पर्धामा जान लागेकाले आफ्नो जित सुनिश्चित रहेको प्रचण्डको दाबी थियो ।