इटहरीः मतपेटिकामा आगजनी भएपछि बाजुराको खापर गाउँपालिकामा वितण्डा भएको छ ।
जिल्लाको स्वामिकार्तिक खापर गाउँपालिकास्थित भगवती आधारभूत विद्यालयको ’क’ केन्द्रमा रहेको एक मतपेटिकामा आगजनी भएको हो ।
आज भइरहेको प्रदेश सभा समानुपातिक तर्फको मतदानका क्रममा मतपेटिकामा आगलागी भएको जिल्ला प्रशासन कार्यलय बाजुराले जनाएको छ । मतपेटिकामा आगजनि भएपछि केहि बेरा मतदान स्थल तनावग्रस्त बनेको थियो । कसरी आगो लाग्यो भन्ने अहिले सम्म खुलेको छैन ।
कसरी आगो लागेको भनेर नखुलेको बाजुराका प्रमुख जिल्ला अधिकारी प्रकाशचन्द्र अघिकारीले बताए ।
आगो लागेपछि पानी हालेर नियन्त्रणमा लिइएको छ भने मतपेटिकामा सामान्य क्षति भएको बताईएको छ ।
‘मतपेटिकामा सामान्य क्षति भएको छ, मतपत्रमा भने क्षति भएको छैन, सामान्य भिजेको छ, निर्वाचन अधिकृतले के गर्ने भनेर निर्णय गर्नुहुन्छ,’ उनले भने ।
निर्वाचन अधिकृतले मुचुल्का बनाएर पुनः मतदान अघि बढाउने अधिकारीले बताए । कुल ८४० मतदाता रहेको उक्त मतदान केन्द्रमा ५२८ मत खसेको जानकारी प्राप्त भएको छ ।
_1720278409.jpg)
