इटहरीः इटहरी १६ टिकुलिया टोल घर भई रामधुनीको एलइएस स्कुलमा कक्षा ९ मा अध्ययन गर्ने छात्र मुकेश साह बुधबारबाट वेपत्ता भएका छन् ।
बुधबार दश बजेतिर घरबाट बाहिर निस्केका मुकेश बिहिबार बेलुका सम्म घर नफर्केको मुकेशका दाजु ऋषिकेश साहले बताए ।
ब्ुाधबारै मुकेश घर नफर्किएपछि साथीभाई र आफन्तलाई सोध्दा कहिपनि नभेटिएको ऋषिकेशले सुनाए । मुकेशले बोक्ने गरेको मोवाइल फोन स्वीच अफ छ भने हाल सम्म कहाँ र कसरी कुन अवस्थामा छन् भन्ने समेत पत्ता नलागेको परिवारको भनाई छ ।
१६ बर्षिय मुकेश रामधुनी नगरपालिका वडा नम्बर ५ मा रहेको लक्ष्मी मेमोरियल स्कुलमा कक्षा ९ मा अध्ययन गर्ने छात्र हुन । भाईले अहिले सम्म कसैसँग झै झगडा नगरेको र विद्यालयमा समेत राम्रो रिजल्ट ल्याएरहेको मेघावी छात्र रहेको ऋषिकेशले प्रदेश पोर्टललाई बताए । मुकेशका परिवारले उनि अहिलेसम्म नभेटिएपछि इलाका प्रहरी कार्यलय पकलीमा खोजी गरिदिन निवेदन दिएको छ ।
_1720278409.jpg)
