इटहरीः उद्योग वाणिज्य संघ इटहरीको शनिवार सम्पन्न निर्वाचनको वाणिज्य ,उद्योग र महिलातर्फको मत परिणाम सार्वजनिक भएको छ ।
तीनै तर्फको सार्वजनिक मतपरिणाम अनुसार अधिकांश जीवन पराजुलीको साँझा समूहका उम्मेदवारहरु विजयी भएका छन् ।
वाणिज्य तर्फ पराजुलीको साँझा समूहका वाणिज्य तर्फबाट सबैभन्दा बढी मत ल्याई सदस्य पदमा सिनेट रिजाल विजयी भएका छन् । उनले १२२१ म्त प्राप्त गरेका छन् । उनी उद्योग वाणिज्य संघ इटहरीका सबैभन्दा कान्छा उमेदवार हुन् ।
पराजुली समूहबाटै वाणिज्य सदस्य तर्फ ध्रुव अधिकारी ९०४ मत, संजय शाह ८८१ मत,अशोक अग्रवाल ८३४ मत, शन्नी चौधरी ८२६ मत सहित निर्वाचित भएका छन् । यस्तै, रञ्जु सिग्देल प्यानलबाट वाणिज्य तर्फ नै सदस्य पदमा १०२२ मत सहित राकेश श्रेष्ठ निर्वाचित बनेका छन् । सिग्देल समूहबाटै सुरेश कार्की ८२४ मत र ढुण्डीराज गुरागाई ८१२ मत सहित निर्वाचित भएका छन् । सिग्देल प्यानलबाट वाणिज्य तर्फ बलबहादुर न्यौपाने विजयी भएका छन् ।
महिला सदस्य तर्फ दुवै जना पराजुलीको साँझा समूहका उम्मेदवार विजयी भएका छन् । सो समूहकी शोभा कोइराला (सबिना)१२४९ मत प्राप्त गर्दै निर्वाचित भएकी छन् भने पराजुली साँझा समूहकै मिना ढकाल ९१६ मत प्राप्त गर्दै विजयी भएकी छन् ।
उद्योग तर्फ पराजुलीको साँझा समूहबाट बिष्णुनारायण डाँगी विजयी भएका छन् । सिग्देल समूहबाट दिलिप पराजुली, राजेन्द्रकेसरी घिमिरे र अभिषेक बस्नेत विजयी भएका छन् ।
_1720278409.jpg)
