इटहरीः उद्योग वाणिज्य संघ इटहरीको अध्यक्षमा जीवन पराजुली विजयी भएका छन् । उनले ११८६ मत प्राप्त गरि विजयी हासिल गरेका हुन् ।
इटहरी होटल व्यवसायी संघको २ कार्यकाल अध्यक्ष भईसकेका उनी युवा पर्यटन व्यवसायी पनि हुन् । इनटुरिष्ट प्यालेस होटलका संचालक पराजुलीसंग बिभिन्न समाजिक संघ संस्थामा रहेर कार्य गरेको अनुभव समेत छ ।
उनका निकटतम प्रतिद्धन्दी एमालेका तर्फकी उम्मेदार रञ्जु सिग्देलले दोस्रो स्थान हासिल गरिन् । उनले ८४७ मत प्राप्त गरेकी छन् । नेपाली कांग्रेस इटहरीको लेटर प्याडमा विज्ञप्ती प्रकाशन गरि आधिकारीक उम्मेदवारका रुपमा अध्यक्ष पदमा खडा भएकी गायत्री कटवाल भण्डारीले तेस्रो स्थानमा चित्त बुझाउनु परेको छ । उनले ५६३ मत मात्र प्राप्त गरेकी छन् ।
त्यस्तै अर्का अध्यक्ष पदका उम्मेदावर होटल व्यवसायी कटवाल होटलका संचालक मणिन्द्र बहादुर कटवालले ४० र उम्मेदवारी फिर्ता लिई जीवन पराजुली समूहलाई नै साथ दिएका पिताम्बर पोख्रेललाई पनि १७ मत आएको छ ।
_1720278409.jpg)
