सङ्खुवासभाः सङ्खुवासभा जिल्लाको सभापोखरी गाउँपालिकाको बाह्रबिसे बजारमा रहेको प्राइम बैंकको शाखा कार्यालयमा आगलागी भएको छ । आज बिहान विद्युत् सट भएर आगलागी भएको जिल्ला प्रहरी कार्यालय सङ्खुवासभाका प्रहरी निरीक्षक सन्तोष राईले जानकारी दिए ।
आगलागीबाट कार्यालयको कम्प्युटर, प्रिन्टर र फर्निचर लगायतका सामान जलेर नष्ट भएको प्रहरीले जनाएको छ । प्राइम बैंकले केही महिना अघि मात्रै सभापोखरीको बाह्रबिसे बजारमा शाखा कार्यालय स्थापना गरेको थियो ।
कार्यालयमा आगलागी हुँदा करिब ७ लाख रुपैयाँको क्षति भएको अनुमान गरिएको छ । आगो स्थानीयवासी र प्रहरीले नियन्त्रणमा लिएका थिए । सभापोखरी गाउँपालिकाको बाह्रबिसे बजार सदरमुकाम खाँदबारी बाट ६ घण्टाको पैदल दुरीमा पर्दछ ।
_1720278409.jpg)
