उर्लाबारीः उर्लाबारी नगरपालिका–४ सिसौलीमा सुविधासम्पन्न रोयल हेरिटेज रिसोर्ट खुलेको छ ।

सो रिसोर्टमा एसीयुक्त कोठा, शान्त वातावरणमा बस्ने व्यवस्था र उपभोक्ताको चाहना अनुसारका परिकार बन्ने सञ्चालक कमल हाङवाङले बताए । २ बिघा जग्गामा फौलिएका आकर्षक भवनमा होटल सञ्चालित रहेको उनको भनाइ छ । उनीसहित खगेन्द्र थापा र रोशन हाङवाङको डेढ करोड रुपैयाँको लगानीमा रिसोर्ट शुरु भएको बताइएको छ ।

स्वीमिङ पुलको समेत योजना रहेको सञ्चालकको भनाइ छ । सुरक्षाको पूर्ण ग्यारेन्टीसहित शान्त स्थानमा सुविधासम्पन्न रिसोर्ट खोलिएको अर्का सञ्चालक खगेन्द्र थापाले बताए । सम्बन्धित पक्षले चासो देखाए प्रदेशसभा र सरकारको बैठक बस्न निःशुल्क हल उपलब्ध गराउने सञ्चालक बताउँछन् ।

१५ जनालाई रोजगारी दिएको रिसोर्टमा सरकारी तथा गैर सरकारी सङ्घ संस्थाका पदाधिकारीको बैठक, भेलालगायतको कार्यक्रम गर्न सकिने सञ्चालक रोशन हाङवाङ बताउँछन् ।