इटहरीः टाटा मोटर्सको नेपालस्थित एक मात्र आधिकारिक बिक्रेता सिप्रदी टे«डिङ र सिप्रदी टे«डिङको आधिकारिक बिक्रेता ग्लोबल अटो टे«डर्स प्रा.लि.को सहकार्यमा इटहरीमा कार मेला लाग्ने भएको छ ।
असार ५, ६ र ७ गते बिहान ११ बजेदेखि साँझ ७ बजेसम्म सञ्चालन हुने उक्त कार मेला सिप्रदी टे«डिङको कार्यालय नजिकै ओसन पार्कमा आयोजना हुने आयोजकले जनाएको छ । यस मेलामा ग्राहकले एकै स्थानबाट विभिन्न गाडी किनबेचको सुविधा प्राप्त गर्न सक्नेछन् । मेलामा टाटा मोटर्सका विभिन्न मोडलका गाडी एकै स्थानबाट खरीद गर्नुका साथै ग्राहकहरूले कुनै पनि पुरानो गाडीलाई नयाँ गाडीसँग साट्न सक्ने बताइएको छ ।
मेलामा ग्राहकहरूले ‘अन द स्पट फाइनान्सिङ’ का साथै पुरानो गाडीको उत्कृष्ट मूल्याङ्कन गरी एक्सचेन्ज लोयालिटी बोनसजस्ता सेवा तथा सुविधा पाउने आयोजकले जनाएको छ । निःशुल्क प्रवेश पाइने मेलास्थलमा टेस्ट ड्राइभिङको पनि सुविधा रहेको बताइएको छ । त्यस्तै, फोटो सुट, नेल आर्ट, फेस पेन्टिङका साथै स्वादिष्ट परिकारको साथमा वाटर फनको व्यवस्था रहेको गोयल अटो प्रालि इटहरीले जनाएको छ ।