धरानः सुबिसु केवलनेट प्रालिले सञ्चालन गरेको सुबिसु भयङ्कर अफर अन्तर्गतको लक्की ड्रको विजेता घोषणा गरिएको छ । लक्की ड्र अन्तर्गत झापाको भद्रपुरकी हेमन्ती शाहले ४० इन्चको स्मार्ट टिभी जितेकी छिन् ।

कम्पनीले सञ्चालन गरेको अफरमा सहभागी १ सय ४० जनाले ३ महिनासम्म निःशुल्क इन्टरनेट चलाउने अवसरपनि पाएका छन् । सुबिसुले अफरको १५ औँ तथा अन्तिम हप्ता लक्की ड्रमार्फत् विजेता घोषणा गरेको हो ।

विजेता शाहलाई सुबिसुका रिजनल म्यानेजर शेखर भट्टराईले पुरस्कार हस्तान्तरण गरेका थिए । सुबिसु नेपालको अग्रणी केवल टेलिभिजन, इन्टरनेट र नेटवर्क सेवा प्रदायक कम्पनी हो ।