विराटनगरः मोरङ व्यापार सङ्घको ३२ औं कार्यसमितिले हालै निर्वाचित विराट व्यापार सङ्घको कार्यसमितिसँग भेटघाट गरेको छ । मोरङ व्यापार सङ्घका अध्यक्ष प्रकाश मुन्दडा, निवर्तमान अध्यक्ष पवनकुमार सारडा र कार्यसमिति सदस्यले विराट व्यापार सङ्घका अध्यक्षसुजन थापा, निर्वतमान अध्यक्ष शिवप्रसाद रिजाल, पूर्व अध्यक्ष र कार्यसमिति सदस्यको स्वागत गरी भेटघाट गरेका हुन् ।

भेटमा विराट व्यापार सङ्घका नवनिर्वाचित कार्यसमितिका सम्पूर्ण सदस्यलाई मुन्दडाले स्वागत गर्दै आगामी कार्यकालको लागि शुभकामना दिएका थिए । निवर्तमान अध्यक्ष शिव रिजालले मोरङ व्यापार सङ्घसँग सुमधुर सम्बन्ध राख्न खेलेको भूमिकाको सह्राना गर्दे उद्योगी व्यापारीको सामुहिक हितका लागि सँगसँगै हिँडिरहेको र हिँडिरहने प्रतिबद्धता व्यक्त गरेका थिए । पुराना अध्यक्षले कायम गरेको उचाईलाई अझ नयाँ उचाइ दिन नवनिर्वाचित अध्यक्षलाई उनले अनुरोध गरेका थिए ।