इटहरीः उद्योग वाणिज्य सङ्घ इटहरीको हिजो सम्पन्न निर्वाचनको वाणिज्य र वस्तुगततर्फको मतगणना सकिएको छ । तर, अन्तिम मतपरिणाम भने सार्वजनिक भएको छैन । निर्वाचन समितिका अनुसार सबै समूहको मत गनिसकेपछि मात्रै मतपरिणाम सार्वजनिक हुने भएको हो ।
वाणिज्यतर्फ पौडेल समूहबाट अनिल सुब्बा (काका), विष्णुप्रसाद रिजाल, जीवन पराजुली, पीताम्बर पोखरेल, नवराज काफ्ले, खगेन्द्र बिमली, रामकुमार श्रेष्ठ, रामहृदय राय र अशोक अग्रवाल उम्मेद्वार थिए । उनीहरु सबै विजयी भए पनि अन्तिम मत परिणाम भने सार्वजनिक गरिएको छैन ।
त्यस्तै, वस्तुगततर्फ महेन्द्र रेग्मी र बलराम भण्डारी उम्मेद्वार रहेका थिए ।
महिला सदस्यमा पनि पौडेल समूह अघि
राति साढे १० बजेदेखि महिलातर्फको मत गन्न थालिएको छ । महिलातर्फ पनि पौडेल समूहका उम्मेद्वार अघि रहेको बताइएको छ । महिलातर्फ पौडेल समूहबाट गायत्री भण्डारी र सबिना कोइराला उम्मेद्वार छन् ।
_1720278409.jpg)
