व्यक्तिगत धितोपासले यसरी बनाउँदैछ सुकुम्बासी

  • श्रावण २९, २०७६
  • २२३ पटक पढिएको
  • उत्तम पोख्रेल
alt

बेलबारीः मोरङको बेलबारी नगरपालिका वडा नम्बर ५ का हीरालाल विश्वकर्मालाई घरायसी कामका लागि नगद ३ लाख रुपैयाँ आवश्यक प¥यो । उनले आफ्नै नाममा रहेको २ कठ्ठा १० धुर जग्गासहितको घर पथरीकी भेषकुमारी राईलाई धितो पास गरेर ३ वर्षमा बुझाउने गरी २०७२ माघ १० गते रजिस्ट्रेसन पास गरिदिए । उनले पैसा दिएको २०७५ माघ १० गते ३ वर्ष पूरा भएको छ ।

बिकले जग्गा धितो पास गरेको केही महिनापछि उक्त घर र जग्गा बैंकमा राखेर १३ लाख ८० हजार रुपैयाँ भेषकुमारीले निकालिन् । उनले प्राइम बैंक धरानमार्फत् सो रकम निकालेकी थिइन् । आफूले लिएको ३ लाख रुपैयाँको साँवा र ब्याज दिएर आफ्नै नाममा जग्गा फिर्ता लिने तयारी गरिरहेका बिक परिवारले भाका पुग्नु अगाडि नै पटकपटक भेषकुमारीलाई फोन गरेर बोलाए । तर उनी आइनन् ।

पछि त्योभन्दा ठूलो आपत्ति उनीहरूका लागि बंैकले घर खालि गर्नका लागि पठाएको पत्र बन्यो । पैसा तिर्ने भनिएको म्यादभन्दा १ महिना अगाडि नै बंैकले घर खालि गर्न पत्र पठायो । उनले भने, ‘अहिले हामी सुकुम्बासीजस्तै भएका छौँ ।’

‘घरजग्गा बचाउनका लागि हामीले दुई किस्ता तिरेका छौँ’, हीरालालकी छोरी प्रतिमा विश्वकर्माले भनिन्, ‘बैशाखमा १ लाख १७ हजार र साउनमा १८ हजार तिरेका छौँ ।’

बेलबारी–३ की अप्सरा गुरुङको पुख्र्याैली घर खोटाङ हो । उनले पहाडमा चिनजान भएका प्रकाश गिरीलाई घरजग्गा राखेर पैसा निकालिदिइन् । उनले ५५ लाख रुपैयाँ बंैकबाट निकालेर २८ लाख पथरीका गिरीलाई दिइन् भने २७ लाख आफूले राखिन् । २४ प्रतिशत ब्याज गिरीलाई दिने र बैंकको किस्ता गिरीले तिर्ने शर्तमा पैसा दिएको उनले बताइन् ।

पछि बंैकले उनीहरूलाई घर खालि गर्न पत्र पठायो । पत्र पठाएपछि बंैकमा गएर बुझ्दा ७५ लाख रुपैया बंैकबाट गिरीले लिएको थाहा भयो । यति डेभलपमेन्ट बैंकबाट उनले ऋण लिएकी थिइन् ।

उनले आफूले लिएको २७ लाखको साँवा ब्याज लगेर जग्गा फिर्ता गरिदिन गिरीसँग आग्रह गरेको बताइन् । गिरीले घर नै किनिदिने भन्दै धरान लगे । धरान पु¥याएर जयप्रकाश श्रेष्ठलाई घर बेचिदिने भन्दै आफूलाई कागजातमा सहीछाप गर्न लगाएको गुरुङले बताइन् । नपढेकी मान्छे हुनाले त्यहाँ लेखिएको थाहा नपाई सही गरिदिएको तर अहिले बैंकले घर खाली गरिदिन चेतावनी दिइरहेको उनले बताइन् ।

उता, बेलबारी–३ की सन्तमाया लिम्बूले चिनजानकै भरमा बेलबारी–२ का धनबहादुर लिम्बूलाई आफ्नो घर जग्गा राखेर २ लाख रुपैयाँ निकालिदिइन् । उनले केराबारीका तिलक राईलाई धितो पास गरेर ३ महिनामा जग्गा फिर्ता गरिदिने शर्तमा पैसा दिएकी थिइन् । धनबहादुरले तिलकलाई पैसा नतिरिदिएका कारण उनीहरू विगत ४ वर्षदेखि सुकुम्बासीजस्तै बनिरहेका छन् ।

यी केही प्रतिनिधि घटना मात्रै हुन् । उनीहरूजस्ता धेरै जना व्यक्तिगत धितोपासका नाममा सुकुम्बासी बनिरहेका छन् । बेलबारीको न्यायिक समितिमा ४१ ओटा उजुरी धितोपासका रहेका छन् । नगरपालिकाकी उपमेयर ढाकाकुमारी पराजुलीले भनिन्, ‘३८ ओटा उजुरी हामीले छलफलका माध्यमबाट मिलाएका छौँ ।’

‘आर्थिक लेनदेनका उजुरी न्यायिक समितिले हेर्न मिल्दैन’, पराजुलीले भनिन्, ‘तर पनि उजुरी दर्ता नगरी छलफल गरेर मिलाउने गरेका छौँ ।’ केही प्र्रतिष्ठित व्यक्तिका समेत उजुरी रहेको उनले बताइन् । पछिल्लो समय मानवीय धर्म बिर्सदै गएका कारण धेरै जना चिनेजानेकैबाट ठगिने गरेको समेत उनले बताइन् ।

प्रतिक्रिया दिनुहोस

मोरङको निगुरो काठमाड ...

बेलबारी: मोरङको पूर्वपश्चिम राजमार्ग देखि उत्तर तर्फको बनमा पाइने निगुराको माग काठमाडौँमा समेत बढ्न ...

शिवधारा–दुधपोखरी ...

  श्रावण लागे पछि देवताहरु पनि हिमाल तिर लाग्छन् भनिन्छ । विशेषता श्रावण महिनामा भगवान शिवको प ...

नयाँ वृन्दावन गाैसला ...

माेरङकाे सुन्दरहरैँचा नगरपालिका ५ स्थित राधेश्याम सेवा ट्रस्ट नयाँ वृन्दावन गाैसलामा गङ्गा अारतीकाे ...

इष्ट टुरिजम इभेन्ट म्यानेजमेन्ट एण्ड मिडिया प्रालिद्धारा प्रकाशित

प्रदेश पोर्टल डटकम

इटहरी उपमहानगरपालिका, सुनसरी, कोशी, नेपाल

  • कम्पनी दर्ता नं. १९४७९७/०७५/०७६
  • स्थायी लेखा नं. ६०६६४३६५८
  • सूचना विभाग दर्ता नं. ९३०/०७५–०७६
  • प्रेस काउन्सिल दर्ता नं. १७१/०७५–०७६
  • फोन नं.: +९७७ २५ ५८२६९०
  • मोबाइल नं.: +९७७ ९८४२०३७४०२
  • इमेल: [email protected]
  • प्रधान सम्पादक: राजेश विद्रोही
  • महाप्रबन्धकः बद्री भिखारी
  • प्रबन्धकः देवान किराती
  • प्रबन्ध सम्पादकः प्रेमप्रसाद बास्तोला
  • सम्पादकः मिलन बुढाथोकी
  • डेस्क सम्पादकः खेमचन्द्र अधिकारी
  • अंग्रेजी डेस्क प्रमुखः विराट अनुपम
  • राजनीतिक/सामाजिक ब्युरोः विनय बाह्रकोटी
  • स्थानीय सरकार/कानुन ब्युरोः कृष्ण बहाब भट्टराई
  • संवाददाताः कविराज घिमिरे (धनकुटा)
  •   नमिन ढकाल(इलाम)
  •   बाबुराम वास्ताेला (संखुवासभा)
  • फाेटाे पत्रकारः गुरू ढकाल, वुलेट खतिवडा
  • स्वास्थ्य पृष्ठ संयोजकःडा. सुर्यबहादुर पराजुली (एमडी)
  • लोकसेवा पृष्ठ संयोजकः अनिल पोख्रेल (नायब सुब्बा)

Copyright © 2018 / 2019 - pradeshportal.com All rights reserved