धरानः चाडबाडलाई लक्षित गरी धरानमा विभिन्न कम्पनीले मोटरसाइकल तथा स्कुटरको बजार मेला आयोजना गरिरहेका छन् ।

यमाहाको महामेला सञ्चालन भइरहँदा यही भदौ २२ गतेदेखि २७ गतेसम्म बजाज कम्पनीले पनि भविष्यवाणी अफर अन्तर्गत महा एक्सचेन्ज मेलाको आयोजना गर्ने भएको छ । धरानका लागि आधिकारिक बिक्रेता अर्बिन एण्ड ब्रदर्श अटोले एक्सचेन्ज मेलाको आयोजना गर्ने जनाएको छ । गत बैशाखमा आयोजना भएको मेलामा ग्राहकको अत्याधिक सहभागिता भएकाले चाडबाडको अवसरमा पनि एक्सचेन्ज मेलाको आयोजना गरिएको अटोका सञ्चालक अर्बिन तामाङले बताए ।

मेलामा भविष्यवाणी अफरमा नयाँ बाइक खरीद गर्नु अगाडि नै अधिकतम १ लाख सम्मको छुट प्राप्त गर्न सकिने छ भने खरीद गरिसकेपछि पनि १ लाख सम्मकै छुट प्राप्त गर्न सकिने तामाङले बताए । धरानको सभागृहमा हुने एक्सचेन्ज महामेलामा कुनै पनि ब्राण्डको पुरानो मोटरसाइकल वा स्कुटर साट्न सकिनेछ । एक्सचेन्ज अफरमा मोटरसाइकलको न्यूनतम मूल्याङ्कन ३० हजार रुपैयाँ रहेको छ ।

नयाँ बजाज मोटरसाइकल खरीदमा बाइक कभर, हेलमेट, ल्यापटप ब्याग, लेग गार्ड प्राप्त गर्नुका साथै फाइनान्स तथा बीमाको सुविधासमेत दिइने बताइएको छ ।