‘चन्दा नदिए हाम्रा बालबच्चा पढाइदिनुहोस्’

  • भदौ २२, २०७६
  • १७८ पटक पढिएको
  • प्रदेश पोर्टल
alt

इटहरीः इटहरीका सबै शैक्षिक संस्थाहरूसँग विप्लव समूहले चन्दा माग गरेको पाइएको छ । बिहीबार राती इटहरीस्थित सुषमा गोदावरी कलेजमा बम बिस्फोट भएपछि यहाँका कलेज तथा निजी विद्यालयमा विप्लव समूहले चन्दा माग गरेको विषय सार्वजनिक भएको हो ।

शैक्षिक संस्थाका अनुसार चन्दाको रकम तोकिएको छ । जसमा इटहरीका विश्व आदर्श र सुषमा कलेजलाई पाँचपाँच लाख नगद चन्दा माग गरिएको छ । यस्तै कस्तुरी र कोशी सेन्ट जेम्स कलेजलाई तीनतीन लाख रुपैयाँ चन्दा माग गरिएको छ ।

सुनसरीमा सञ्चालित अन्य निजी स्कुलहरूमा समेत चन्दा माग गरिएको छ । केही बोर्डिङ स्कुललाई २ लाख र केहीलाई १ लाख रुपैयाँ चन्दा माग गरिएको पत्र फेला परेको छ ।

‘शैक्षिक संस्थाहरूको नाममा सम्बोधन गरी पत्र पठाइएको त्यसपछि कुराकानी अनि फोनमार्फत् पैसा माग्ने काम गरिएको छ’, एक कलेजका प्रिन्सिपलले भने ।

यहाँसम्म कि विप्लवका कार्यकर्ताहरू कलेज तथा बोर्डिङ स्कुलका सञ्चालक तथा प्रिन्सिपलको घरमा समेत पुग्ने गरेका छन् ।
‘इटहरीका प्राय संस्थाहरूमा यस्तो आतङ्क छ, कति साथीहरूले त पैसा बुझाएका पनि छन्’, अर्काे कलेज सञ्चालक समितिका अध्यक्षले भने । चन्दासँगै उनीहरूले सिफारिश गरेका विद्यार्थीलाई निःशुल्क पढाउन दबाब दिएको उनले बताए ।

उच्च माध्यमिक विद्यालय सङ्घ (हिसान) सुनसरीका अध्यक्ष मुकुन्द घिमिरेले इटहरीसँगै धरानलगायतका अन्य कलेजहरूमा पनि विप्लव समूहले चन्दा माग गरेको बताए । सरकारबाटै प्रतिबन्धित यस्ता समूहको आतङ्कका कारण शैक्षिक वातावरणमा असर पुगेको उनको भनाइ छ ।

‘तनावको अवस्था छ, अझ इटहरी र धरानमा बम बिस्फोट नै गराएपछि मानसिक रूपमा हामी आतङ्कित बनेको घिमिरे बताउँछन् । शैक्षिक क्षेत्रमा देखिएको यस्तो आतङ्क तत्काल रोक्न प्रशासनलाई आग्रह गरिएको उनले बताए ।

मोहन कार्कीको संलग्नता
भदौ १५ गते इटहरीबाट पक्राउ परेका विप्लव कार्यकर्ता मोहन कार्कीले नै इटहरीका विभिन्न कलेज तथा बोर्डिङ स्कुलमा चन्दा माग गरेको दाबी गरिएको छ ।

इटहरीमा सञ्चालित एक बोर्डिङका प्रिन्सिपलले प्रहरीले गैसारबाट पक्राउ परेका कार्कीले धेरै पटक विद्यालयमा आएर चन्दा मागेको दाबी गरे ।

विद्यालयमा कार्कीसँगै अन्य दुई जना पनि साथमा आएको उनले बताए । कार्की विप्लव समूहको सुनसरी जिल्लाको आर्थिक विभागका संयोजक भएको प्रहरी अनुसन्धानले देखाएको छ । उनको साथबाट बरामद भएको डायरीमा पनि प्रहरीले कलेज तथा बोर्डिङ स्कुलको सूची भेटेको थियो ।

बम राख्नेको पहिचान
बिहीबार इटहरीस्थित सुषमा गोदावारी र धरानको दिल्ली पब्लिक स्कुलमा भएको बम बिस्फोटमा संलग्नहरू विप्लवका कार्यकर्ता भएको पहिचान भएको छ । प्रहरी स्रोतका अनुसार उनीहरूको खोजतलास भइरहेको छ ।

१ नम्बर प्रदेश प्रहरी कार्यालय विराटनगरको रिजनल इन्भेष्टिगेशन टिम (रिट), जिल्ला प्रहरी कार्यालय सुनसरी र इटहरी प्रहरीको संयुक्त टोलीले उनीहरूको खोजी गरिरहेको छ ।

यता। विप्लव समूहबाट सञ्चालित ई रातो खबर अनलाइनले भने धरानको दिल्ली पब्लिक स्कुल भारतीय लगानीबाट सञ्चालित भएको र राष्ट्रियताविरोधी शिक्षा लागू गरेको भन्दै कारबाही गरिएको जनाएको छ ।

इटहरीको सुषमा गोदावारी कलेजले अत्यन्त महङ्गो शुल्क लिएर विद्यार्थी र अभिभावकहरूको ढाड सेक्ने काम गरेको आरोप लगाइएको छ ।

प्रतिक्रिया दिनुहोस

पहिलो पाइलाको आयोजना ...

इटहरीः संविधान दिवसको अवसर पारेर पहिलो पाइला नेपाल सुन्दरहरैंचा शाखाले आज नगरव्यापी माविस्तरीय वक्तृ ...

संविधान दिवसको अवसरम ...

इटहरीः सामाजिक सेवाका लागि युवा अभियान (वाइएसएस) नेपाल सुन्दरहरैंचाले सुन्दरहरैंचा ७ को गोठगाउँ चोकम ...

धरानमा भोलिबाट पर्यट ...

धरानः ‘सहभागी बनौँ, अवलोकन गरौँ’ भन्ने नारासहित शनिवारबाट धरानमा तीन दिने इस्ट टुरिजम मा ...

इष्ट टुरिजम इभेन्ट म्यानेजमेन्ट एण्ड मिडिया प्रालिद्धारा प्रकाशित

प्रदेश पोर्टल डटकम

इटहरी उपमहानगरपालिका, सुनसरी, कोशी, नेपाल

  • कम्पनी दर्ता नं. १९४७९७/०७५/०७६
  • स्थायी लेखा नं. ६०६६४३६५८
  • सूचना विभाग दर्ता नं. ९३०/०७५–०७६
  • प्रेस काउन्सिल दर्ता नं. १७१/०७५–०७६
  • फोन नं.: +९७७ २५ ५८२६९०
  • मोबाइल नं.: +९७७ ९८४२०३७४०२
  • इमेल: [email protected]
  • प्रधान सम्पादक: राजेश विद्रोही
  • महाप्रबन्धकः बद्री भिखारी
  • प्रबन्धकः देवान किराती
  • प्रबन्ध सम्पादकः प्रेमप्रसाद बास्तोला
  • सम्पादकः मिलन बुढाथोकी
  • डेस्क सम्पादकः खेमचन्द्र अधिकारी
  • अंग्रेजी डेस्क प्रमुखः विराट अनुपम
  • राजनीतिक/सामाजिक ब्युरोः विनय बाह्रकोटी
  • स्थानीय सरकार/कानुन ब्युरोः कृष्ण बहाब भट्टराई
  • संवाददाताः कविराज घिमिरे (धनकुटा)
  •   नमिन ढकाल(इलाम)
  •   बाबुराम वास्ताेला (संखुवासभा)
  • फाेटाे पत्रकारः गुरू ढकाल, वुलेट खतिवडा
  • स्वास्थ्य पृष्ठ संयोजकःडा. सुर्यबहादुर पराजुली (एमडी)
  • लोकसेवा पृष्ठ संयोजकः अनिल पोख्रेल (नायब सुब्बा)

Copyright © 2018 / 2019 - pradeshportal.com All rights reserved