भवन बन्यो तर छैन जिम्मा लिने निकाय

  • आश्विन १५, २०७६
  • ५१८ पटक पढिएको
  • प्रदेश पोर्टल
alt

धनकुटाः निर्माण गरिएको भवन जिम्मा लगाउने निकाय नभेट्दा धनकुटामा एक सरकारी भवन अलपत्र बनेको छ ।

महिला विकास कार्यालयको लागि २ करोड ६४ लाख रुपैयाँमा निर्माण गरिएको सो भवन निर्माण सम्पन्न भएको १० महिना बितिसक्दा समेत हस्तान्तरण हुन सकेको छैन ।

जिल्लास्थित महिला तथा बालबालिका विकास कार्यालयको लागि यो भवन २०७३ सालमा निर्माण शुरु गरिएको थियो । सम्झौताअनुसार गत मंसिरमा सो भवन निर्माण भए पनि सो कार्यालयको जिल्ला संरचना खारेज भइसकेको थियो । जिल्ला संरचना खारेज भएपछि भवन हस्तान्तरण हुन नसकेको हो ।

‘निर्माण त गरियो तर जिम्मा लाउने निकाय नै छैन’, ठेकेदार सन्तोष राईले भने, ‘जिल्ला कार्यालय रहने नरहने टुङ्गो नभई निर्माण गरिएकाले समस्या भएको हो ।’ निर्माण भएको सो भवनको रकम समेत भुक्तानी हुन सकेको छैन । सो भवनको १ करोड १० लाख रुपैयाँ भुक्तानी हुन बाँकी रहेको ठेकेदार सन्तोष राईले बताए ।

भुक्तानी नभएको रकमको ब्याज तिर्दातिर्दा आफू हैरान भएको राईको भनाइ छ । ‘पैसा ऋणमा खोजेर भवन त निर्माण गरियो,’ उनले भने, ‘तर पैसा निकासा नहँुदा प्रतिमहिना २ लाख रुपैयाँसम्म ब्याज तिर्नुपर्छ ।’

जिल्ला कार्यालय खारेज भएपछि भुक्तानीको लागि महिला तथा बालबालिका मन्त्रालय र विभागमा पटकपटक धाए पनि भुक्तानी हुन नसकेको ठेकेदार कम्पनीले जनाएको छ ।

रकम निकासा नभएकै कारण भवन अलपत्र बनेको जिल्ला समन्वय समितिका सभापति टङ्क चौहानले बताए । ‘ठेकेदारको पैसा आएको छैन । त्यसैले भवन अलपत्र बनेको हो’, चौहानले भने, ‘रकम चुक्ता हुनेबित्तिकै भवन अन्य कार्यालयलाई हस्तान्तरण गर्ने छौँ ।’

प्रतिक्रिया दिनुहोस

संविधान दिबसको अबसरमा मदन भण्डारी स्पोर्टस एकेडेमीद्वारा रक्तदान कार्यक्रम

इटहरी ।  संविधान दिबसको अबसर पारेर मदन भण्डारी स्पोर्टस एकेडेमी रक्तदान कार्यक्रम आयोजना गरेको ...

जनाचेतनामूलक साइकल यात्राबाट इटहरी जेसिजको सप्ताहव्यापी कार्यक्रम सुरु

इटहरीः सुनसरीको इटहरीमा रहेका विभिन्न जेसिजहरुले जनचेतनामुलक कार्यक्रमबाट जेसिज सप्ताहको सरुवात गरेक ...

संक्रमितले नै चोरे चतरा धामको आइसोलेसनबाट सामान

इटहरीः सुनसरीको बराहक्षेत्रको चतरा धाममा रहेको अइसोलेसन कक्षबाट सामान चोरी भएको छ । आइसोलेसनमा संक्र ...

इष्ट टुरिजम इभेन्ट म्यानेजमेन्ट एण्ड मिडिया प्रालिद्धारा प्रकाशित

प्रदेश पोर्टल डटकम

इटहरी उपमहानगरपालिका, सुनसरी, कोशी, नेपाल

  • कम्पनी दर्ता नं. १९४७९७/०७५/०७६
  • स्थायी लेखा नं. ६०६६४३६५८
  • सूचना विभाग दर्ता नं. ९३०/०७५–०७६
  • प्रेस काउन्सिल दर्ता नं. १७१/०७५–०७६
  • फोन नं.: +९७७ २५ ५८२६९०
  • मोबाइल नं.: +९७७ ९८४२०३७४०२
  • इमेल: [email protected]
  • प्रधान सम्पादक: राजेश विद्रोही
  • महाप्रबन्धकः बद्री भिखारी
  • प्रबन्धकः देवान किराती
  • प्रबन्ध सम्पादकः प्रेमप्रसाद बास्तोला
  • अंग्रेजी डेस्क प्रमुखः विराट अनुपम
  • संवाददाताः कविराज घिमिरे (धनकुटा)
  •   नमिन ढकाल(इलाम)
  •   बाबुराम वास्ताेला (संखुवासभा)
  • फाेटाे पत्रकारः गुरू ढकाल, वुलेट खतिवडा
  • स्वास्थ्य पृष्ठ संयोजकःडा. सुर्यबहादुर पराजुली (एमडी)
  • लोकसेवा पृष्ठ संयोजकः अनिल पोख्रेल (नायब सुब्बा)

Copyright © 2018 / 2020 - pradeshportal.com All rights reserved