खाली गाग्री र भाडा बोकेर संस्थानमा धर्ना

जनतालाई काकाकुल पारेर संस्थानले पानी बेचिरहेको आरोप

  • पुस २९, २०७६
  • १३८ पटक पढिएको
  • प्रदेश पोर्टल
alt

धरानः एशियाली विकाश बैंकको ऋण तथा अनुदानमा संचालित खानेपानी परियोजना कार्यान्यवन गर्न खानेपानी संस्थान र धरान खानेपानी बोर्ड बिचको आन्तरिक द्वन्दका कारण पानी उत्पादन भए पछि वितरण गर्न सकेको छैन् । धरानमा पानीको अभाव शुरु भए संगै धराने जनताहरु आन्दोलित भएका छन् ।
सोमबार धरान वडा नम्बर ९ का जनप्रतिनिधीको नेतृत्वमा धरान खानेपानी संस्थानको कार्यालय घेराउ गर्दै २ घण्टा धर्ना दिएका छन् । समयमा पानी छाडौं, कृतिम अभाव सिर्जना नगरौं, पानीको राजनीति बन्द गरलगायतका प्लेकार्ड बोकेर स्थानीयबासी संस्थान पुगेका थिए । संस्थानले कृत्रिम खानेपानी अभाव सृर्जना गरेर निजी ट्यांकर व्यवसायी र पानी उत्पादक उद्योगहरुसँग कमिशन लिइरहेको स्थानीयको आरोप आरोप छ ।
वडा नम्बर ९ का वडाअध्यक्ष रत्न कटवालको नेतृत्वमा खाली गाग्री, गिलेन बोकेर ¥याली सहित वडाबासीहरु संस्थान घेराउ गर्न पुगेका थिए । त्यसक्रममा केहीबेर संस्थान परिसर तनावग्रस्त पनि बन्यो । वडाबासीहरुले संस्थानका निमित्त प्रमुख रामकुमार श्रेष्ठलाई घेराउ गर्दै आक्रोश पोखेका थिए ।
एशियाली विकाश बैंकको ऋण तथा अनुदानमा खानेपानी परियोजना संचालनमा खानेपानी संस्थानको सम्पत्ति र दायित्व धरान खानेपानी बोर्डमा आउनुपर्ने हो तर संस्थानको सम्पत्ति र दायित्व हस्तान्तरणमा विवाद बढ्दै जादा निकास नपाए पछि धरानमा खानेपानीको अभाव बढ्दै गएको हुँदा धरानवासीहरु आन्दोलित भएका छन् ।
संस्थान अन्र्तगतका सम्पत्ति र दायित्व बोर्डमा दाखिला गर्न एक वर्ष अघि नै मन्त्रालयबाट निर्देशन समेत आइसकेको छ । तर संस्थानका कर्मचारीले अटेर गरे पनि बोर्ड अन्र्तगत आउन सकेको छैन् । बोर्डमा संस्थानको सम्पत्ति तथा दायित्व हस्तान्तण भए संस्थानमा रहेको पाइपलाईन, पानी टंकी समेत बोर्डले उपभोग गर्न सक्ने थियो । तर संस्थानले सम्पत्ति उपयोग गर्न नसक्दा खानेपानी पर्याप्त उत्पादन भईरहे पछि धराने जनताले अभाव भोग्नु परेको छ ।
एडिबी र खानेपानी संस्थानबीच जुँगाको लडाइले धरानले पर्याप्त पानी पिउन नसकेको र चेतावनीस्वरुप तालाबन्दी गर्नुपरेको वडाध्यक्ष रत्नबहादुर कटुवालले बताए ।
धरान खानेपानी बोर्ड र एडिबीबीचको द्वन्द्वले धरानेले खानेपानी पिउन नपाएको वडाअध्यक्ष कट्वालले बताए । उनले भने, जसरी भए पनि सहज रुपमा पानी पिउन पाउन भन्ने हाम्रो माग हो, जनतालाई काकाकुल पारेर संस्थानले पानी बेचिरहेको छ ।’ पानीको सट्टामा रगत पिउनु पर्ने अवश्थामा संस्थानले ल्याएको उनको आरोप छ ।
भोलीदेखि वडाका जनप्रतिनिधिहरुले २ घण्टा संस्थानमा धर्ना दिनुका साथै संस्थानलाई पानीको महशुल पनि नतिर्ने घोषणा गरेका छन् । संस्थानले भने यस विषयमा कुनै प्रतिक्रिया दिन चाहेको छैन् ।
वडा कार्यालयले अबदेखि संस्थानलाई शुल्क नतिर्न पनि वडाबासीहरुलाई आग्रह गरेको छ । पर्याप्त पानी आउने वातावरण नभएसम्म वडा कार्यालयले नै पैसा बुझ्ने र जरिवाना तिर्नुपर्ने भए वडाले नै जिम्मा लिने जनाएको छ ।दिन बिराएर पानी वितरण गर्दै आएको बताए पनि धारामा पानी नआएर स्थानीयले दुःख पाइरहेका छन् ।

 

प्रतिक्रिया दिनुहोस

पहिचानविहीन सात ज ...

भद्रपुरःझापामा अल्पसङ्ख्यामा रहेका सात आदिवासी समुदाय सरकारको जनजाति सूचीमा छुटेका पाइएको छ । आफ्नै ...

बनेको ऐन कानूनको ...

लहानःसिरहा जिल्लामा खाद्य पदार्थमा हुने मिसावट रोक्न र उपभोक्तालाई ठगीबाट जोगाउन ऐन कानून बने पनि त् ...

कोशीको बगरमा गो ...

इनरुवाःकाम गरेर स्वदेशमै राम्रो आम्दानी गर्न सकिन्छ भन्ने उदाहरण दिएका छन्, सुनसरीको कोशी गाउँपालिका ...

इष्ट टुरिजम इभेन्ट म्यानेजमेन्ट एण्ड मिडिया प्रालिद्धारा प्रकाशित

प्रदेश पोर्टल डटकम

इटहरी उपमहानगरपालिका, सुनसरी, कोशी, नेपाल

  • कम्पनी दर्ता नं. १९४७९७/०७५/०७६
  • स्थायी लेखा नं. ६०६६४३६५८
  • सूचना विभाग दर्ता नं. ९३०/०७५–०७६
  • प्रेस काउन्सिल दर्ता नं. १७१/०७५–०७६
  • फोन नं.: +९७७ २५ ५८२६९०
  • मोबाइल नं.: +९७७ ९८४२०३७४०२
  • इमेल: [email protected]
  • प्रधान सम्पादक: राजेश विद्रोही
  • महाप्रबन्धकः बद्री भिखारी
  • प्रबन्धकः देवान किराती
  • प्रबन्ध सम्पादकः प्रेमप्रसाद बास्तोला
  • सम्पादकः मिलन बुढाथोकी
  • डेस्क सम्पादकः खेमचन्द्र अधिकारी
  • अंग्रेजी डेस्क प्रमुखः विराट अनुपम
  • मार्केटिङ प्रमुखः प्रकाश तिम्सिना
  •   (९८६२१२०९७१)
  • संवाददाताः कविराज घिमिरे (धनकुटा)
  •   नमिन ढकाल(इलाम)
  •   बाबुराम वास्ताेला (संखुवासभा)
  • फाेटाे पत्रकारः गुरू ढकाल, वुलेट खतिवडा
  • स्वास्थ्य पृष्ठ संयोजकःडा. सुर्यबहादुर पराजुली (एमडी)
  • लोकसेवा पृष्ठ संयोजकः अनिल पोख्रेल (नायब सुब्बा)

Copyright © 2018 / 2020 - pradeshportal.com All rights reserved