काठमाडौं: काठमाडौंबाट दोलखा आउँदै गरेको यात्रुबाहक बस रामेछापको मन्थलीमा दुर्घटना हुँदा करिब १५ जना घाइते भएका छन्। दोलखाको जफेतर्फ आउँदै गरेको बा २ ख ६८१८ नम्बर यात्रुबाहक बस मन्थली नगरपालिका(६ कुनौरी मोडमा बुधबार बिहान ४ बजे दुर्घटनामा भएको जिल्ला प्रहरी कार्यालय रामेछापले जानकारी दिएको छ ।
प्रहरीका अनुसार घाइते १५ जनामध्ये ३ जनाको अवस्था गम्भीर रहेको छ। ‘गम्भीर घाइतेमध्ये एकजनालाई काठमाडौंको ट्रमा सेन्टरमा रिफर गरिएको छ। बाँकी घाइतेको तामाकोसी सहकारी अस्पताल मन्थलीमा उपचार भइरहेको छ, सामान्य उपचारपछि केहि डिस्चार्ज भइसकेका छन्,।’
बसमा ३९ जना सवार रहेका थिए। उनीहरुलाई अर्को सवारीमार्फत गन्तव्यमा पठाउने तयारी भइरहेको छ। एक्कासी ओरालो सडकमा ब्रेक फेल भएर बस सडकको दाहिने साइडको नालीमा फसेको थियो। बस चालक मनबहादुर खत्रीलाई प्रहरीले नियन्त्रणमा लिएको छ।
तस्वीरःannapurnatimes.com
_1720278409.jpg)
