इटहरीः मोरङको बेलबारी नगरपालिका–४ स्थित भित्री सडकखण्डमा हिजो बुधबार राति भएको सवारी दुर्घटनामा एक जनाले ज्यान गुमाएका छन् भने दुई जना घाइते भएका छन् ।

उत्तरबाट दक्षिणतर्फ गइरहेकोको ३२ प ५६३७ नम्बर गएराति ११ः४५ बजे अनियन्त्रित भई दुर्घटना हुँदा मोटरसाइकल चालक बेलबारी नगरपालिका ४ घर भएकी १९ वर्षीया समीक्षा राई गम्भीर घाइते भएकोमा उपचारार्थ विराटनगरस्थित न्युरो अस्पताल पठाइएकी उनको उपचारका क्रममा आज बिहान १ बजे ज्यान गएको इलाका प्रहरी कार्यालय बेलबारीका प्रहरी निरीक्षक ऋषिराज ढकालले बताए ।

दुर्घटनामा सोही स्कुटरको पछाडि सवार १८ वर्षीया अनुपमा राई र १६ वर्षीया सुमित्रा राई घाइते भएको बताउँदै निरीक्षक ढकालले अनुपमालाई उपचारार्थ विराटनगरस्थित नोबेल शिक्षण अस्पताल पठाइएको र सुमित्राको विराटचोकस्थित सुकुना सामुदायिक अस्पतालमा उपचार भइरहेको उल्लेख गरे ।