इटहरीः झापाको मेचीनगर नगरपालिका–१५ हल्दिबारी क्षेत्रबाट प्रहरीले हिजो शुक्रबार अवैध रुपमा आयात गरिएका पटाका बरामद गरेको छ ।

चोरी पैठारी गरी ल्याइएका पटाका भण्डारण गरिएको गोप्य सूचनाका आधारमा परिचालित प्रहरीले एक लाख मूल्यका पटाका बरामद गरेको जिल्ला प्रहरी कार्यालय झापाले जनाएको छ । प्रहरीका अनुसार बरामद गरिएका पटाका विभिन्न ब्रान्डका रहेका छन् ।

तिहार नजिकिँदै जाँदा भारतबाट पटाकाको अवैध तस्करी बढ्न थालेपछि नियन्त्रणका लागि विशेष अभियान चलाइएको प्रहरीको भनाइ छ । अभियानका कारण यसअघि पनि जिल्लाका विभिन्न क्षेत्रबाट ठूलो परिमाणमा पटाका बरामद गरिएको प्रहरीले जनाएको छ ।