इटहरीः पूर्व पश्चिम राजमार्गअन्तर्गत मोरङको उर्लाबारी नगरपालिका ४ आइतबारेमा हिजो शनिबार साँझ एक महिलाको शव फेला परेको छ ।

विभत्स अवस्थामा फेला परेको शव अन्दाजी ३० वर्षीया महिलाको भएपनि उनको सनाखत भने हुन नसकेको इलाका प्रहरी कार्यालय उर्लाबारीले जनाएको छ ।  मृतकको सडक दुर्घटनामा परी ज्यान गएको हुनसक्न्ो प्रहरीको प्रारम्भिक अनुमान रहेको छ । घटनास्थलको प्रकृतिका आधारमा सो अनुमान गरिएको प्रहरीको भनाइ छ ।

महिलाको शव पोष्टमार्टमका लागि मंगलबारे अस्पताल पठाइएको बताउँदै प्रहरीले घटनाबारे विस्तृत अनुसन्धान सुरु गरेको प्रष्ट पारेको छ ।