इटहरीः एक वृद्धलाई मदिराको प्रलोभन दिई निजकी नातिनीलाई बलात्कार गरोको आरोपमा प्रहरीले मोरङको बेलबारीबाट एक युवक तथा बालिकाका हजुरबुवालाई पक्राउ गरेको छ ।

पक्राउ पर्नेमा बालिकाका हजुरबुवाका सार्थै बेलबारी– ३ का २६ वर्षिय सुमन तामाङ्ग रहेको इलाका प्रहरी कार्यालय बेलबारीका प्रहरी निरीक्षक ऋषिराज ढकालले जानकारी दिए । उनका अनुसार गत कात्तिक १३ गते अभियुक्त तामाङले वृद्धलाई मदिरा सेवन गराई निजकी १३ वर्षीया बालिकालाई बलात्कार गरेकोमा सो भोलिपल्ट उनलाई पक्राउ गरिएको हो ।

युवकबाट वृद्धले लिएको रकम यकिन हुन नसकेको बताउँदै निरीक्षक ढकालले रकम लिएर वृद्धले आफ्नी नातिनीलाई घुमाउनका लागि युवकको जिम्मा लगाएको र युवकले दिनभर घुमाएर साँझ बलात्कार गरेको अनुसन्धानले देखाएको बताए । पीडित बालिकाले घटना सुनाएपछि निजकी माइजुले प्रहरीमा उजुरी गर्दा अभियुक्तहरु पक्राउ परेका हुन् । पक्राउ परेका दुवै अभियुक्तउपर जबर्जस्ति करणी अभियोगमा जिल्ला मोरङ जिल्ला अदालतमा म्याद थप गरी अनुसन्धान गरिरहेको प्रहरीको भनाइ छ ।