इटहरीः सुनसरीको दुहबी नगरपालिका–३ मा तास खेलिरहेको अवस्था आज सोमबार नौ जना प्रहरीद्वारा पक्राउ परेका छन् ।

पक्राउ पर्नेहरुमा सोही ठाउँका ३४ वर्षीय अनिश सिंह, ४२ वर्षीय संसद मियाँ, ४६ वर्षीय मंगल साह, ३६ वर्षीय टेकबहादुर गिरी, ३८ वर्षीय आलम अन्सारी, ३४ वर्षीय दीपक अकेला, ५२ वर्षीय मोहम्मद मोक्तार, ४५ वर्षीय हजरत मियाँ र ४४ वर्षीय सन्तोष बराल रहेको जिल्ला प्रहरी कार्यालय सुनसरीले जनाएको छ ।

इलाका प्रहरी कार्यालय दुहबीको टोलीले उनीहरुलाई पक्राउ गरेको बताउँदै सुनसरी प्रहरीले पक्राउ पर्नेहरुका साथबाट ७७ हजार सात १० रुपैयाँ नगद र ३ बुक ताससमेत बरामद गरेको उल्लेख गरेको छ । सबै अभियुक्तलाई हिरासतमा राखी अनुसन्धान गरिरहेको प्रहरीको भनाइ छ ।