इटहरीः उदयपुरको बाँसबारीमा हिजो साँझ भएको सवारी दुर्घटनमा परी एक किशोरीको ज्यान गएको छ ।

मृत्यु हुनेमा उदयपुर ९ राजाबास घर भएका खड्ग बहादुर बुढाथोकीकी १९ वर्षीया छोरी युनिका बुढाथोकी रहेको जिल्ला प्रहरी कार्यालय उदयपुरका प्रमुख प्रहरी वरिष्ठउपरीक्षक (एसपी) भीम दाहालले बताए ।

उनका अनुसार १३ वर्षीय भाई युनिकले चलाएको को ३९ प ९०७० नम्बरको स्कुटरमा सवार युनिका साँझ ६ः४५ बजे दुर्घटना हुँदा गम्भीर घाइते भएकोमा उपचारार्थ मोरङको विराटनगरस्थित न्युरो अस्पतालमा पठाइएकोमा उपचारका क्रममा उनको मध्यराति १२ बजे ज्यान गएको हो । दुर्घटनामा घाइते भएका युनिकको पनि सोही अस्पतालमा उपचार जारी रहेको दाहालको भनाइ छ ।