४२ लाखको कार्यक्रम दिन्छु भन्दै ४ लाख ५ ‘झ्वाम’, २ वर्ष देखि फरार

  • आश्विन ५, २०७७
  • ७११ पटक पढिएको
  • शंकर खत्री
alt

इटहरीः अक्सर हामी चलचित्र देख्छौँ कुनै ठूलो रकम दिन्छु भनेर बैंकमा पैसा जम्मा गर्न लगाएर फरार हुन्छन् । ठ्याक्कै त्यस्तै विषयले पिडित बनेकि छिन् इटहरी उपमहानरपालिका ९ जुट विकास कि सोभा भट्टराई । उनि इटहरीमा नै असाहय महिलाहरुको क्षेत्रमा काम गर्दै आएको संस्थामा आवद्ध हुन्छिन् । त्यहि संस्थामा इटहरी १३ खानारका सुशील राजभरलाई संस्थाको बैठकबाट सल्लाहकारका रुपमा नियुक्त गरिन्छ । संस्थाले राजभरलाई कुनै कार्यक्रम कतैबाट आउनेभए जानकारी गराउनु भन्छन् । सो बैठकमा संस्थाका सबै सदस्य उपस्थित भएका हुन्छन् ।

 बैठकबाट सल्लाहकारमा नियुक्त भएका सुशील राजभरले केहि समयपछि राम्रो कार्यक्रम आएको संस्थाबाट भनेर सोभालाई भन्छन् । उनको कुरा सुनेपछि सोभा सो कार्यक्रम गर्न इच्छुक हुन्छिन् र संस्था पनि अग्रसर हुन्छ । त्यसको केहि समय पछि सुशीलले सोभासँग म उजेलि फाउन्डेसनको सचिव हूँ भनेर परिचय दिने सन्तोष पोखरेल र उनका साथि अमित न्यौपानेसँग इटहरीमा भेटाउँछन् । सन्तोष पोखरेल उहि व्यक्ति हुन जसले सोभालाई ठगेर हाल फरार छन् । सान्तोषले हामी तपाईँलाई ४२ लाखको कार्यक्रम दिन्छौँ तर त्यसको लागि सोभालाई कार्यक्रमको बजेटको ७ प्रतिशत पैसा पहिला जम्मा गर्न लगाउँछन् ।

 सन्तोषले भने बमोजिम सोभाले पनि पटक पटक गरेर ४ लाख ५ हजार पैसा विशाल ढुङ्गेल नाम गरेका व्यक्तिको खातामा इटहरीको सिदार्थ बैंकबाट जम्मा गरिदिन्छिन् । अब सुरु हुन्छ यो घटनाको मुख्य विषय । पैसा उनिले ३ पटक गरेर विशाल ढुङ्गेलको नाममा ४ लाख ५ हजार गरिदिन्छन् । पैसा यो घटनामा सोभा र सन्तोसलाई भटाउन कडिको रुपमा काम गर्ने सुशीलले २ पटक जम्मा गरेर सोभालाई भौचर दिन्छन् । सोभाले यो कारोबार उनि आवद्ध भएको आसाहय नारिको लागि काम गर्ने संस्थाबाट गरेकि हैनन् न त पठाउननै उजेलि फाउन्डेसनलाई पठाइन् । यसले उनलाई थप जटिलता तर्फ धकेलेको छ । पैसा पठाएपछि सन्तोषको व्यवहार सोभालाई फरक लाग्छ र सन्तोष पनि मोबाइल अफ गरेर हराउँछन् । फोन उठाए पनि अहिले म यो कार्यक्रममा छु भन्छन् त कहिले म त्यो व्यक्तिसँग छु भनेर टार्छन ।

 सन्तोषलाई सोभाले संस्थाको माग गर्छिन् तव सन्तोषले बनावटि ‘लेटर प्याड’मा संस्थाको बारेमा सहि गरेर पठाउँछन् । लामो समय सामाजिक संस्थामा काम गरेकि सोभालाई सो चिठ्ठी माथि संका उत्पन्न हुन्छ । त्यो विचमा सन्तोष सोभाबाट सम्पर्क विहिन हुन्छन् । उनको चिठ्ठीको उजेलि फाउन्डेसनले जवाफ पठाउँछ, संस्थाको आधिकारीक ‘लेटर प्याड’मा निज सन्तोष संस्थाको कार्यक्रममा सहभागि भए पनि उनले भने जस्तो सचिव नभएको भनेर । उजेलिको चिठ्ठी पाएपछि उनले फेरि सन्तोषलाई फोन गर्छिन् र सन्तोषले आफूँले ठागि नगरेको र पैसा फिर्ता गर्छु भनेर प्रतिवद्धता जाहेर गर्छन् ।

त्यसको केहि समयपछि सन्तोषले सोभालाई २ वटा (१,६५,००० र २,४०,०००) प्रभू बैंकको चेक दिन्छन् । चेक दिएको बैंक खातामा पैसा नभएको र केहि समयपछि खातामा पैसा जम्मा गर्ने र त्यसपछि ‘चेक बाउन्स’ गर्न भनेर सोभालाई चेक दिन्छन् । चेक पाएपछि सोभा केहि हलूका महसूस गछिन् तर त्यो केहिदिनका लागि मात्र रहन्छ । सोभाले बारम्बार बैंक गएर पैसा निकाल्दा खोज्दा पनि बैंकबाट खातामा पैसा नभएको जानकारी पाउँछिन् । एकतर्फ उनले संस्थाका नामबाट नभएर व्यक्तिगत नामबाट पैसा पठाएकी छिन् अर्को तर्फ उनलाई पैसाको व्याजले पिरोलेको छ । सावाँको त कुरै छोडौँ ।

 २०७५ सालको भदौमा सुरु भएको यो ठगि काण्डमा सोभाले इटहरी प्रहरीदेखि जिल्ला अदालत काठमाडौँमा मूदा दर्ता गछिन् । इटहरीका तत्कालिन डिएसपी धर्मराज भण्डारीले सोभालाई पैसा पठाएको ठाउँ काठमाडौँ भएकाले त्यहाँ जाहेरि दिँदा सजिलो हुने बताउँन् र सोभा त्यहि गछिन् । जाहेरी दिन जाँदा सोभाले सन्तोष पहिलादेखिनै ‘प्रोफेस्नल’ ठगि गर्दै आएको थाहा पाउँछिन् । साथै उनले टेकुमा पोखराकी एक महिलालाई ठगेको आरोपमा १५ दिन अगाडिसम्म त्यहाँ रहेको जानकारी पाउँछिन् । त्यसपछि उनले विभिन्न सञ्चार माध्यमबाट सन्तोषलाई खोजि गर्न लाग्छिन् तर हालसम्म फेला पार्दिनन् । २ वर्ष अगाडि ४ लाख ५ हजार को व्याजले सोभालाई दिन दिनै पिरोल्दै छ साथै मुद्दा दर्ता गराउन काठमाडौँ जाँदा उनको हजार खार्च भएको छ । पैसा फिर्ता आए उनि आफूले जति खर्च गरेनि त्यसको भार थेग्न तयार रहेको बताउँछिन् र हाल सन्तोषले नम्बर परिर्वतन गरेकाले उसको खोजि गर्न र आफूलाई न्याय दिलाउन अनुरोध गछिन् ।

check

सोभाको संस्था र सुशील राजभर

सुनसरीमा सामाजिक क्षेत्रमा कम गर्दै आएका सुशील राजभरलाई सोभाको संस्थाले सल्लाहकारमा नियुक्त गरेका थिए । सामाजिक क्षेत्रमा काम गर्ने भएकाले आफ्नो संस्थालाई फाइदा पुर्याउने भन्दै संस्थामा अवद्ध गराइएको सोभाले बताइन् । ‘सुशीललाई हामीले संस्थाको बैठक बसेर निर्णयमा हस्ताक्षर नै गराएर सल्लाहकारमा नियुक्त गराएका थियौँ र कुनै त्यस्तो कार्यक्रम आए संस्थालाई जानकारी गराउने जिम्मेवारी दियौँ’, सोभाले भनिन् ।

त्यसको केहि समयपछि सुशीलले सोभाको समुहलाई एउटा बालबालिका सम्बन्धी कार्यक्रम गर्न ४२ को बजेट रहेको सो कार्यक्रम उजेलि फाउन्डेसनको रहेको बताएको जानकारी दिइन् । ‘सुशीलले हामीलाई देहायवमोजिमाको कार्यक्रम आएको छ र उँहासँग भेटेर कार्यक्रम गर्न सकिन्छ भने । त्यसपछि काभ्रेपलाञ्चोकको धुलिखेल स्थायी घर भएर काठमाडौँ बस्दै आएका सन्तोष पोखरेल (जसले सोभाको ४ लाख ५ हजार ठगेर अहिलसम्म बेपत्ता भएका छन्) सँग सुशीलले हामीलाई भेटाए र कार्यक्रम गर्ने निधो भयो’, उनले भनिन् । सन्तोषसँग भेटेपछि सबै कुरा भएको र संस्थाको खातामा लिखित निर्णय गरेर सन्तोषले पनि हस्ताक्षर गरेको बताइन् । सो बैठकको निर्णय हालसम्म पनि सुरक्षित रहेको सोभाले जानकारी दिइन् ।

पैसा ठगेर भागेपछि सुशील पनि संस्थाबाट टाढीदैँ गएका सोभाले बताइन् । हाल सुशीलसँग कुरा गर्दा सन्तोषले आफूलाई मार्ने धम्कि दिने गरेको बताउँदै आएका सोभाको भनाई छ । केहि समय अगाडि सुशील, ठगि गर्ने सन्तोषसँग कुरा भए पनि हाल सन्तोषको कुनै अत्तोपत्तो नरहेको बताइन् । उनले सुशीलले दुईजनालाई जेड्ने काम मात्रै गरेकाले उनलाई मुद्दा हाल्न नसकेको र छोड्न पनि नचाहेको बताउँछिन् ।

 उजेलि फाउन्डेसनबाट सोभालाई चिठ्ठी र संस्थागत सहयोग

सोभाले आफू ठगिएको र सन्तोष उजेलि फाउन्डेसनमा आवद्ध भए नभएको थाहा पाउन संस्थाको आधिकारीक ‘लेटर प्याड’मा उजेलिलाई चिठ्ठी लेखेको जानकारी दिइन् । सो चिठ्ठी केहि समय पश्चात जवाफ पाएको र सन्तोषले भने जस्तो जिम्मेवार पदमा नरहेको थाहा पाएको सभाले बताइन् । ‘मैले उसको बारेमा र संस्था प्रति आवद्धता पुष्टि गर्न मेरो संस्थाबाट पठाएको आधिकारी चिठ्ठीको जवाफ संस्थाका तत्कालीन अध्यक्ष सुमन पोखरेलको हताक्षर रहेको पत्र प्राप्त गरे । त्यो चिठ्ठमा सन्तोष त्यो संस्थाको साधारण सदस्य पनि नरहेको र कहिले काँहि संस्थाको कार्यक्रममा सहभागि मात्र हुने गरेको पाँए’ सोभाले भनिन् ।

त्यसपछि सोभाले तत्कालीन अध्यक्ष सुमनलाई फोन गरेको र सुमनले सकेसम्म जानकारी गराएको बताइन् । ‘मैले सुमन सरलाई फोन गरे उहाँले सकेसम्मको सन्तोषको जानकारी मलाई दिनुभयो र निजालाई कारबाहिको दायरमा ल्याउन सकेसम्मको सहयोग गर्ने प्रतिवद्धता जनाउनु भयो । त्यसको केहि समयपछि सुमन इटहरी आए र भेटेर छलफल गर्दा सन्तोष पहिला देखिनै ठगि गर्दै हिँड्ने गरेका थाहा पायौँ’, सोभाले भनिन् । सुमनले नै सन्तोष भारतमा भएको जानकारी गराएको सोभाले जानकारी दिइन् । भारतबाट नेपाल आएपछि पुनः एकपटक सन्तोषसँग कुराकानि भएको सोभाको भनाइ छ । ‘उ भारतबाट नेपाल आएपछि मैले एकपटक फोन गरेको थिएँ र उसलाई पैसाको कुरा गर्दा काठमाडौँमा रहेका जग्गा लिजमा दिएर पैसा चुक्ता गर्ने बतायो तर अहिलेसम्म दिएको छैन्’, सोभाले दुखेसो पोखिन् ।

साथै उजेलिमा नयाँ अध्यक्षको रुपमा हाल मधु लामिछाने रहेको जानकारी पाए पछि पुनः उनिसँग पनि निरन्तर जोडि रहेको बताइन् । लामिछानेले पनि आफूलाई सकरात्मक रुपमा सहयोग गरेको सोभाले बताइन् । तर पनि अझै सन्तोषको अत्तोपत्तो नलाग्नाले सोभालाई निन्द्रा लागेको छैन् ।

mudda (1)

इलाका प्रहरी कार्यलयदेखि महानगरिय प्रहरी वृत्त काडमाडौँमा मुद्दा प्रक्रिया

सोभाले न्यायको पहिलो आवाज इलाक प्रहरी कार्यलयबाट पाउने आशा गरेकि थिइन् तर त्यो सम्भव भएन् । त्यहाँ गएपछि उनले कहाँ गएर मुद्दा दर्ता गराउँदा उपयुक्त हुने थाहा पाइन् । इटहरी प्रहरीका तत्कालिन डिएसपी धर्मराज भण्डारीको निर्देशनमा उनले काठमाडौँको टेकुमा गएर मुद्दा दर्ता गरिन् र अनुसन्धानको पहिलो ढोका आरम्भ भएको सोभाले बताइन् ।

‘इटहरी प्रहरीका त्यतिबेलाका डिएसपी धर्मराज भण्डारीले पिडक काठमाडौँ बासी भएकाले टेकुमा गएर जाहेरि दिँदा सजिलो हुने बताउनु भयो । मैले उहाँको सल्लाहमा टुकु गएर मुद्दा दर्ता गरेको थिएँ’, सोभाले भनिन् । सोभालाई केहि समय अगाडि उनको मुद्दा पाटन स्थित उच्च अदालतमा पुगेको जानकारी आएको बताइन् । ‘मेरो फोनमा एउटा ‘म्यासेज’ जसमा मैले दर्ता गरेको जाहेरी अनुसन्धानका लागि अदालतमा पुगेको जानकारी आयो’, सोभाले भनिन् । आफ्नो बलवुताले भ्याए जति सबै कुरा गर्दा पनि पैसा उठाउन नसके पछि अन्तिम अस्त्रका रुपमा सञ्चारमाध्यमसँग कुरा गर्न आएको  बताइन्। साथै उनले जसरी पनि न्याय दिलाउन माग गरिन् ।

प्रतिक्रिया दिनुहोस

यसरी भएको छ ,दशैँःआशीर्वादको रूपान्तरण

एउटा भनाइ नै छ,'जस्तोसुकै मनमुटाव भए पनि दशैँमा टीका लगाउन जानू, सबै मनमुटाव निर्मूल हुन्छ।' दशैँ स ...

श्वास फेर्न कठिन भई वीपी प्रतिष्ठान भर्ना भएका धरानका ५३ बर्षीय पुरुषको मृत्यु

धरानः श्वास फेर्न कठिन भएपछि धरान स्थित वीपी कोइराला स्वास्थ्य विज्ञान प्रतिष्ठान भर्ना भएका ५३ बर्ष ...

चाडपर्व लक्षित सुरक्षाका लागि १२ सय प्रहरी परिचालन

धरानः चाडपर्व लक्षित सुरक्षाका लागि जिल्ला प्रहरी कार्यालय सुनसरीले विशेष सुरक्षा निती तयार गरि जनशक ...

इष्ट टुरिजम इभेन्ट म्यानेजमेन्ट एण्ड मिडिया प्रालिद्धारा प्रकाशित

प्रदेश पोर्टल डटकम

इटहरी उपमहानगरपालिका, सुनसरी, कोशी, नेपाल

  • कम्पनी दर्ता नं. १९४७९७/०७५/०७६
  • स्थायी लेखा नं. ६०६६४३६५८
  • सूचना विभाग दर्ता नं. ९३०/०७५–०७६
  • प्रेस काउन्सिल दर्ता नं. १७१/०७५–०७६
  • फोन नं.: +९७७ २५ ५८२६९०
  • मोबाइल नं.: +९७७ ९८४२०३७४०२
  • इमेल: [email protected]
  • प्रधान सम्पादक: राजेश विद्रोही
  • प्रबन्धकः देवान किराती
  • प्रबन्ध सम्पादकः प्रेमप्रसाद बास्तोला
  • अंग्रेजी डेस्क प्रमुखः विराट अनुपम
  • फाेटाे पत्रकारः गुरू ढकाल, वुलेट खतिवडा
  • संवाददाताः कविराज घिमिरे (धनकुटा)
  •   नमिन ढकाल (इलाम)
  •  राजन ठटाल (खोटागं)
  •   बाबुराम वास्ताेला (संखुवासभा)
  • स्वास्थ्य पृष्ठ संयोजकःडा. सुर्यबहादुर पराजुली (एमडी)
  • लोकसेवा पृष्ठ संयोजकः अनिल पोख्रेल (नायब सुब्बा)

Copyright © 2018 / 2020 - pradeshportal.com All rights reserved