इटहरीः खोटाङकोे केपिलासगढी गाउँपालिका–२ खार्ताम्छास्थित तापखोलामा आज बिहीबार बिहान एक महिलाको शव फेला परेको छ ।

मृत फेला पर्नेमा स्थानीय ६० वर्षीया ठकुरी राई रहेको जिल्ला प्रहरी कार्यालय खोटाङका प्रहरी नायब उपरीक्षक नारायणप्रसाद चिमरीयाले जानकारी दिए । उनका अनुसार हिजो बुधबारदेखि राई सम्पर्कविहीन भएको उजुरीका आधारमा खोजी तिव्र पारेको प्रहरीले उनको शव घर नजिकै खोलाको बगरमा अड्किएको अवस्थामा फेला पारेको हो ।

राई माइतीबाट घर फर्कने क्रममा बेपत्ता भएको भन्दै प्रहरीले बाटोमा पर्ने खोला तर्ने क्रममा राई खोलामा खसेको हुनसक्ने अनुमान गर्दै अनुसन्धान सुरु गरेको छ ।