इटहरीः झापाको बुद्धशान्ति गाउँपालिका–२ रबरबगान स्थित भित्री सडकखण्डमा मोटरसाइकल दुर्घटना हुँदा १ जनाको मृत्यु भएको छ ।

आइतबार बेलुका ५ बजे जयपुरबाट शनिश्चरेतर्फ जाँदै गरेको प्रदेश १–०१–०१५ प २५३४ नम्बरको मोटरसाइकल अनियन्त्रित भई दुर्घटना हुँदा गम्भीर घाइते भएकी मोटरसाइकलमा पछाडि सवार झापाको अर्जुनधारा नगरपालिका– ७ बस्ने ६२ वर्षीया लक्ष्मीमाँया कार्कीको उपचारको लागि बी एन्ड सी अस्पताल बिर्तामोडमा पुर्याउनासाथ मृत्यु भएको थियो ।

मोटरसाइकल चालक ४४ वर्षीय सुमन कार्कीलाई नियन्त्रणमा लिई इलाका प्रहरी कार्यालय अनारमनीबाट घटनाका सम्बन्धमा थप अनुसन्धान भइरहेको प्रहरीले जनाएको छ ।