इटहरीः सुनसरीको क्षेत्र नम्बर ३ मा नेकपा एमालेकी उम्मेद्वार भगवती चौधरीको जितसँगै विजय जुलुसमा निस्किएका कार्यकता र नेपाली कांग्रेसका कार्यकर्ता बिच झडप भएको छ ।
दुहवी वडा नं ९ छातावेलीमा बुधबार दिउँसो नेकपा एमालेको विजय जुलुस निस्किएको बेला काँग्रेस कार्यकर्तासँग झडप भएको हो ।
दुवै समुहले एक अर्काको प्रतिकार गर्न थालेपछि स्थिती नियन्त्रणमा लिन अहिले ठूलो संख्यामा प्रहरी परिचालन गरिएको छ ।
सुनसरी क्षेत्र नं ३ मा प्रतिनिधीसभा सदस्यमा नेपाली काँग्रेसका नेता विजयकुमार गच्छदारलाईं हराएर नेकपा एमालेकी भगवती चौधरी निर्वाचित भएकी थिइन ।
सोही अवसरमा एमालेले विजय जुलुस निकालेर वडा नं ९ को छातावेली पुग्दा डीजे बजाएको र काँग्रेस कार्यकर्तालाई लक्षित गरेर रंग हालि दिएको विषयमा विवाद हुँदा झडपको स्थिती आएको बताइएको छ ।
झडप भएको जिल्ला प्रहरी कार्यालय सुनसरीका प्रमुख एसपी प्रभूप्रसाद ढकालले पुष्टि गर्दै भीड नियन्त्रणमा लिन ठूलो संख्यामा प्रहरी परिचालन गरिएको बताएका छ।न्
काँग्रेसको पकड क्षेत्र मानिएको दुहवी ९ मा पछिल्लो समय त्यहाँ एमालेले आफ्नो सशक्त उपस्थिती देखाउँदै आएको छ। जसले गर्दा पनि झडप भएको स्थानीय दलका नेता बताउँछन् । एमाले उम्मेदवार भगवती चौधरीले कांग्रेसका गच्छादारलाई ५ हजार १८८ मतान्तरले हराएर निर्वाचित भएकी हुन ।
_1720278409.jpg)
