इटहरीः इटहरीको बालग्राममा मुख्य कार्यालय रहेको किसान कल्याण बचत तथा ऋण सहकारी संस्था लिमिटेड प्रदेश नं १ मा संचालित बचत ऋण सहकारी संस्थाहरु मध्येकै उत्कृष्ट सहकारीको रुपमा पुरस्कृत भएको छ ।
किसान कल्याण बचत तथा ऋण सहकारी संस्था लिमिटेडलाई गत शनिवार सम्पन्न राष्ट्रिय सहकारी बैँक लिमिटेडको साधारण सभाको अवसरमा उक्त पुरस्कार घोषणा गरिएको हो ।
राष्ट्रिय सहकारी बैंक लिमिटेडको १९औँ बार्षिक साधारण सभाको अवसरमा बैंकका सदस्य संस्थाहरू मध्ये कारोबारका आधारमा उत्कृष्ट सदस्यको रुपमा पुरस्कृत गरेको बताइएको छ ।
स्थापनाको २७ वर्ष पूरा गरेको किसान कल्याण साकोसले आठ ओटा सेवाकेन्द्र मार्फत सेवा दिइरहेको र संस्थामा सुनसरी जिल्लामै सबैभन्दा धेरै १९,०००० शेयर सदस्य, १ अरब ११ करोडको कुल सम्पती रहेको संस्थाका प्रमुख कार्यकारी अधिकृत पुष्कर बस्नेतले जानकारी दिएका छन् ।
_1720278409.jpg)
