बेलबारी: सुनसरी मोरङ सिचाइँ आयोजनाको बेलबारी( ७ खण्डमा एक युवकको शव फेला परेको छ ।
बिहीबार बिहान नहरको डिलमा स्थानीय १८ वर्षीय आयुष गिरीको शव भेटिएको हो । गिरी मोरङ कानेपोखरी गाउँपालिका १ होक्लाबारीका हुन् । शव भेटिएपछि प्रहरीले बुधबार बेलुका युवकसँग बसेका ११ जनालाई नियन्त्रणमा लिएको छ ।
नियन्त्रणमा लिएका केही शंकास्पद युवक र मृतक युवकले बुधबार राति स्थानीय एक होटलमा सँगै बसेर मादक पदार्थ सेवन गरेका थिए ।
पसलमा मापसे गर्दा विवाद भएपछि कुटपिटपछि हत्या गरी शव नहरमा फालिएको हुनसक्ने प्रहरीको आशंका छ ।
शवको पोष्टमार्टमका लागि पठाएर घटनाको अनुसन्धान सुरु गरिएको इलाका प्रहरी कार्यालय बेलबारीका प्रहरीनिरीक्षक ऋषिराज ढकालले जानकारी दिए ।
_1720278409.jpg)
