धरानः लागूऔषध सहित धरान प्रहरीले ३ जना युवायुवतीलाई पक्राउ गरेको छ । पक्राउ परेकालाई आइतवार सार्वजनिक गरेको छ ।
पक्राउ पर्नेमा धरान– १५ बाँझगरा बस्ने वर्ष ४३ घनश्याम राई, धरान–१३ का वर्ष २९ को मन्दीप मगर छन् । यस्तै, तेह्रथुम साविक मेन्छयायेम गाँउपालिका वडा नं. १ घर भई हाल धरान–१३ बस्ने वर्ष २५ की समिया लिम्बू रहेका छन् ।
उनीहरू लागूऔषधसहित पक्राउ परेपछि सुनसरी जिल्ला अदालतबाट लागूऔषध मुद्दामा थुनामा राख्ने अनुमति लिइ अनुसन्धान भइरहेको डिएसपी ढुण्डीराज न्यौपानले जानकारी दिए ।
धरान–१३ स्थित डेरा कोठाबाट मन्दीपको साथबाट १५० मिलिग्राम खैरो हिरोइन र मोबाइल सेट थान १ र समियाको कोठाबाट ३ (तीन) ग्राम गरी जम्मा ३ (तीन) ग्राम १५० (एकसय पचास) मिलिग्राम लागूऔषध खैरोहिरोइन जस्तो देखिने खैरो धूलो पदार्थ बरामद भएको प्रहरीले जनाएको छ ।
समियाको कोठामा रहेको टेबुल माथि राखेको सेतो प्लाष्टिकको झोलामा राखेको नाइट्रोजन लेखिएको १५ (पन्ध) पत्ता (एकसय पचास ट्याब्लेट) बरामद भएको छ भने समियाकै कोठाबाट ८३ हजार नगद पनि बरामद भएको प्रहरीले जनाएको छ ।