इटहरी: समाजवादी पार्टीकी सांसद सरिता गिरीको घरको मुलढोकामा ढुंगामुडा गर्ने हेमराज थापालाई प्रहरीले पक्राउ गरेको छ । बाजुरा जिल्ला स्थायी घर भइ काठमाडौंको कीर्तिपुरमा बस्दै आएका २८ वर्षीय थापालाई प्रहरीले पक्राउ गरेको हो ।

मंगलबार साझँ काठमाडौंको विशालनगरस्थित गिरीको घरको मुलढोकामा ढुंगामुडा गरी क्षतिपुर्‍याएको आरोपमा प्रहरीले थापालाई शुक्रबार बिहान पक्राउ गरेको छ । उक्त घटनाको भिडियो बनाइ युट्युबमा अपलोड गरेको र सो विषयमा सोधपुच्छ गर्ने क्रममा प्रहरीमाथि नै जाइ लागेपछि पक्राउ गरिएको महानगरीय प्रहरी परिसर काठमाडौंले जनाएको छ ।