धरानः ‘एयर गन’ हतियार सहित इलाका प्रहरी कार्यालय धरानले एक जना लागुऔषध कारोबारीलाई पक्राउ गरेको छ । १ नम्बर प्रदेश प्रहरीको रिजनल इन्भेष्टिगेशन टिम (रिट) र धरान प्रहरीको संयुक्त टोलीले धरान ७ स्थित डेरा गरी बस्ने ४४ वर्षीय किसन श्रेष्ठको कोठाबाट होममेड एयर गन र लागुऔषध बरामद गरेको इलाका प्रहरी कार्यालय धरानले जनाएको छ ।

श्रेष्ठ लागुऔषध कारोबारी भएको प्रहरीले दाबी गरेको छ । साथै उनको कोठाबाट ६ बोतल डाईलेक्स जि.सि., ५५२ क्याप्सुल स्पास्मो प्रोक्सिभन, २६० ट्याब्लेट नाईट्राजेपान लागुऔषध र नगद १ लाख ९२ हजार रुपैयाँ समेत बरामद भएको छ । श्रेष्ठसँग बरामद भएको हतियार के प्रयोजनको लागि राखिएको भन्ने विषयमा अनुसन्धान भइरहेको इलाका प्रहरी कार्यालय धरानका डिएसपी ज्ञानेन्द्र बहादुर बस्नेतले बताए । बरामद भएको हतियार जङ्गलमा सिकार खेल्नलाई प्रयोग गरिन्छ ।