धरान: धरानमा खैरो हेरोइन सहित ३ जना पक्राउ गरेका छन् ।

आइतबार दिउँसो करिब साढे ५ बजे धरान ८ स्थित भित्री सडकमा शंकास्पद अवस्थामा हिडिरहेको अवस्थामा धरान १८ शिवमार्गका २६ बर्षीय प्रवल राईलाई धरान प्रहरीले नियन्त्रणमा लिई चेकजाँच गरेको थियो । उनको साथबाट १५० मिलिग्राम खैरो हेराइन फेला परेको प्रहरीले जनाएको छ ।

उनलाई प्रारम्भिक सोधपुछको क्रममा वडा नं ८ का २४ बर्षीय सविन रानामगरको माध्यमबाट खरिद गरेको खुलेको थियो । त्यस लगत्तै प्रहरीले सविनलाई पनि पक्राउ गरेर थप सोधपुछ गर्दा सोही वडा ८ का ३७ बर्षीय सुमेन मोक्तानसँग पनि खरिद गरेको खुलेको थियो ।

प्रहरीले सुमनको घर खानतलासी गर्दा कोठामा लुकाई राखेको अबस्थामा १५० मिलिग्राम खैरो हेरोईन जस्तो देखिने धुलो पदार्थ फेला परेको प्रहरीले जनाएको छ । पक्राउ परेका तीनै जनालाई सोमबार सुनसरी जिल्ला अदालतबाट अनुसन्धान कार्यको लागि म्याद थप गरिएको पनि डिएसपी ज्ञानेन्द्र बस्नेतले जानकारी दिए ।