इटहरी: शनिबार लायन्स क्लब अफ इटहरी स्मार्ट सिटिले मोरङको सुन्दरंहरैचाँ स्थित बलियामा मास्क वितरण गरेको छ ।
कोरोना भाईरस संक्रमण भईरहेका बेला सडकमा गुड्ने सवारीसाधनमा अन्य भन्दा जोखिम बढी हुने भएकाले सवारी चालक तथा यात्रुलाई मास्क वितरण गरिएको लायन्स क्लब अफ इटहरी स्मार्ट सिटिकी अध्यक्ष लक्ष्मी गौतमले जानकारी दिइन् ।
कार्यक्रममा मास्क कसरी लगाउने? हात कसरी धुने समेतको प्रयोगात्मक जानकारी गराईएको थियो ।
उक्त कार्यक्रममा ईन्टरनेसनल ३२५ ए १का भिजन चिफ विकास अधिकारी, एओजि राजेन्द्र केशरी घिमिरे, स्थानीयबासी, पत्रकार लगायतको उपस्थिति रहेको थियो ।
करिब २ सय सवारी चालकलाई मास्क वितरण गरिएको थियो ।
_1720278409.jpg)
