भोजपुर: भरुवा वन्दुक सहित एकजना पक्राउ परेका छन् । भोजपुरको दक्षिणि आमचोक गाउपालिका १० पाचांका वलवहादुर तामाङलाई प्रहरीले पक्राउ गरेको हो ।

तामाङले घरमा भरुवा बन्दुक लुकाई राखेको भन्ने विशेष सुचनाको आधारमा ईलाका प्रहरी कार्यालय बालंखा, भोजपुरबाट खटिएको प्रहरी टोलीले उनको घरबाट १ थान र राजकुमार तामाङको घर बाट १ थान भरुवा वन्दुक फेला पारेको हो ।

वलवहादुर तामाङलाई वुधबार पक्राउ गरेको र राजकुमार तामाङ फरार रहेकाले खोजतलाश भइरहेको प्रहरीले जनाएको छ । घटनाको थप अनुसन्धान भइरहेको प्रहरी निरीक्षक प्रदिप लामाले जानकारी दिए ।