धरान: मानव बेचबिखन मुद्धामा फरार रहेका एक ब्यक्तिलाई प्रहरीले पक्राउ गरेको छ । पक्राउ पर्नेमा सुनसरीको धरान ११ ठाडो सोलिङ घर भएका ३९ वर्षीय पुष्प परियार रहेका छन् ।

उनी मावन बेचबिखन तथा ओसार पसार मुद्धामा काठमाण्डौं जिल्ला अदालतले पक्राउ जारी गरे पनि लामो समय देखि फरार रहेका थिए ।

उनलाई प्रहरी प्रधान कार्यालय मानव बेचविखन अनुसन्धान ब्युरो काठमाण्डौंको समन्वयमा इलाका प्रहरी कार्यालय धरानले साउन १३ गते धरान ११ बाट पक्राउ गरेको हो ।

पक्राउ परेका परियारलाई मानव बेचबिखन अनुसन्धान ब्युरो काठमाण्डौं पठाई सकिएको धरान प्रहरीले जनाएको छ ।